圓鐵板燒 Xpress Teppanyaki

前幾年同老公去台中，曾經行夜市避雨時，無端端係個商場入面食鐵板燒，好記得嗰檔叫大埔鐵板燒，由於個舖係一個好up dun既商場內，而且不是店舖，只係商場內一個檔位，即係你食嘢時，行街既人會係你身後行過，當時由於無嘢做，又新奇，所以就試吓，但估唔到味道都不錯。

所以當發現旺角新世紀food court 內有台式鐵板燒，就同老公去試喇。

一坐低，已經每人一份餐具及湯，好似係粟米湯，送既也不太理會係乜嘢湯。
由於唔想太煩，所以叫了份二人餐 - 澳洲雪花西冷牛扒海鮮二人套餐 (澳洲雪花西冷牛扒，龍脷魚扒，中蝦及青口）

床上用品- 四季被, sinomax 竹碳床墊

噙日一次過去market place 度換張四季被及萬寧早前換既sinomax床墊。

IDEALE CHEF 煎PAN & Euro Cook鑊

星期五收工，去左公司附件間意美廚開倉度睇下有無煎PAN啱用。因為屋企隻煎PAN 係易潔煎pan，如果面既塗層甩左，再繼續用會致癌，所以想買返個唔係易潔既pan。

睇左一陣，揀左依兩款，sales ee 都話依兩款係陶瓷物料，即使面嗰層甩左，再用都唔會釋放致癌物質出嚟。價錢又吸引，所以俾埋錢，唔洗十分鐘已經走得。
(返到屋企至詳細望個盒寫乜，兩隻都係寫aluminium (鋁)，咁其實邊part 係陶瓷呀?? )

小小的煎pan，其實都有24cm。但跟我依家用緊嗰隻30cm比較。感覺真係好細。但有時煎少少嘢，細隻啲都ok 啦，同埋個邊較淺，如果煎蛋，倒返入碟會較方便。
最重要價錢只係 $78。（無額外折購，因為好似已經係特價）

依個pan個面層有啲似上年工展會睇中既款，都係有一點點好似雲石面層咁。

韓式炸雞

早排中左星星毒，又食過荃灣好味道既韓式炸雞，所以見到網上有人教整即刻Bookmark 左個食譜先。其實一早已經想整，但因為一直未買到粟膠所以一直等等等等。

終於搵左一日捉左老公同我出TST 韓國街度買埋粟膠就可以動手喇。

食譜來自"家嫂的廚房"
http://lacuisinedeamy.chiba78.com/articles-19285.html

千層紅棗糕

老公既外甥女好鍾意食紅棗糕，有次同佢地一齊飲茶，姑奶問我有無依個食譜，所以就上網搵下，好快已經搵到幾個唔同既食譜出嚟，我今次揀左偽主婦既食譜。

其實個食譜都搵左一段時間，但因為一直就唔啱時間，所以一直未整。咁啱父親節下午無嘢做，晚上又會同佢地一齊食飯，所以就揀左父親節依日整。

今次我揀左雞芯棗，其實我都唔識分，但都幾貴，要成$80/斤。我買左半斤，即大概300G。但因為怕第一次整得失敗，所以只用一半份量（即以下食譜份量全部減半）。

本身我都唔食紅棗糕，但俾人食前點都要試下食既，好煙UN，同埋好香紅棗味。（其實我都唔知出面酒樓係乜嘢味）。但見外甥女食得好開心，不停要再食，姑奶食左都讚好食就足夠喇。

食譜由偽主婦BOLG提供:
http://www.dodocook.com/recipe/17786

化妝品收納架 - From 淘寶寶

其實我平時都唔會化妝，但點都會有啲護膚品既，始終係女仔嘛。特別家姐係一個購物狂，成日都會買埋我嗰份，所以屋企都儲左唔少嘢。
本身每日都會用嗰啲就會放係當眼位，其它少用啲既就放埋一邊，要用至攞，但係發覺會成日擺到過期或者唔記得有佢地既存在。
所以有次無意中見到淘寶有依舊嘢時，簡直發現新大陸，即淘。
收到件貨品時，第一感覺係，點解咁大舊既。老公都問我乜我無睇過尺寸咩 ?  係，我認，我真係無，全憑感覺覺得啱用，同埋覺得佢唔算大舊同阻地方就買。
拎到返嚟都唔理咁多，搵返哂啲嘢出嚟就放鬼哂上去，好快已經俾我打爆左。仲要有啲唔夠位放入去，但起碼都可以搵返哂我啲庫存出嚟放係當眼位提自己記得要用。
不過個架因為已經定好哂尺寸，所以有啲用品都要就返個位至啱放。不過整體嚟講都算好方便呀。

無咀貓之夜下場 + 咖啡弄

食完拉麵就即刻跳上的士過大坑。好近，係拉麵店過去都唔洗跳錶。
去到大坑，又係搞唔清方向，搵左一陣，終於忍唔住去左洗衣店都問人既店舖位置，原來係佢後街再行前少少就係。

離遠已經見到有人排隊，但唔算人多，都諗住應該無問題啦。
點知行到過去諗住攞飛，至見到話今日既籌已經派哂。唔係嘛，我地仲特登走過嚟 tim。之前諗住打電話過嚟問有無籌又無人聽電話喎。
不過我諗就算攞到籌都要擔心無cake 食，因為有位已經搵籌既男士一直望實個蛋糕櫃，因為櫃內既蛋糕越來越少，又唔俾佢先留起，佢勁擔心佢入座時，已經無哂蛋糕。
由於無位，所以我地影左少少相就行返去銅鑼灣向咖啡弄出發。

無咀貓之夜上場

早兩個星期五，約左另一位喜愛無咀貓既朋友一齊去食拉麵。
收工過到銅鑼灣都已經七點喇，之前聽人講都幾多人排隊，好似試過話要排成兩個鐘至入到舖，所以依度一直無叫過老公過嚟陪我食，如果最後只係因為得KITTY，而啲拉麵一啲都唔好食既話，一定俾老公話爆呀。所以依度最啱搵好姊妹一齊嚟啦。

我地約左係利園度等，跟住一齊行過去。本來都應該算好近既，但對於我地兩個路痴嚟講就有啲困難，我地兩條友都唔識睇地圖，開左Google 都搞唔清啲方向，所以都搵左一陣至到。

Agnes b x LC 星星盅 + 爆菊米奇

近期又收到禮物喇。
Agnes b' x LC 星星盅好似係今天情人節限量版，但唔知點解限量到依家都仲有得買，當時老公都有問過我想唔想買，但當時拒絶了，因為我諗唔到個盅有乜嘢用，又唔係平。
點知........ 家姐既朋友知我鍾意依個牌子，竟然去開食飯時見到就買左個嚟送俾我，開心C。仲諗緊整乜嘢嚟同佢開光。

另外依一套爆菊米奇係廸士尼 90週年特別版（老公幫佢改名架，話佢啲圖案好似爆開哂既菊花喎）。
依套係老公表姐送架，老公仲要走到老遠既大古城拎俾我。

套米奇好靚，仲未捨得開嚟用。