Le Creuset 開倉 - 2014年4月

半年一次既LC開倉又開始喇。
今年比往年遲左少少，一般會設於3月及9日，但今年延至4月4~8日。
地點：九龍區既逸東酒店

今次想去既意慾不高，可能想要買既都買得七七八八，及目標明確左，要入紫色貨。
近期入左啲紫色 items都未攞返嚟，有啲係兩個月前朋友幫手買粉紅色花花碟及心型杯都未攞，已經諗緊想賣返出去。
但如果朋友想去，我都好樂意陪佢地。

尋找安樂窩

前幾年賣左間以前間屋後，一直都有打算再重新置業，但是由於近年樓價越來越癲，所以一直暫時都無諗住入市。
但由於近期出現了少少狀況，所以原來打算3~4後才置業既打算，可能要突然提前喇。
這兩個星期也去了睇樓，先看屋企附近的，位置太過方便，樓價相對亦非常高，以我地可以支持既樓價，又要揀可以養狗既，選擇不多，而且都幾細同幾舊吓，真係好難想像點住入去。
噙日去左睇荃灣中心，荃德花園同無諗過會睇既荃威花園。講真，位置唔算方便，要轉車至到地鐵站，但依個位置樓價平好多，同長沙灣比，同等價錢已經可以買大一佰尺既實用面積。一入屋感覺比之前睇嗰啲大好多。而且依邊都有巴士可以到達我公司，所以都可以接受。
本來都諗住睇完，打算閃人，地產突然問我地會唔會考慮荃威花園，位置再高少少，但實用達8.7~9成，算係相當之高呀，所以就摌埋上去睇。唔睇由自何，一睇不得了，真係好實用，兩間房都比我地依家住緊既房大（係連客房都大呀），其中兩個單位可以望到遙遠既海景，而且，地產講前面應該唔會起嘢，即係個海景點都會睇到。講真，依度相當吸引。
但係位置真係再麻麻地，因為係最高，只有一間惠康可以買嘢，連街市都無，收工後點買餸？？
所以....... 我地都仲要努力繼續睇樓去，同埋我唔可以再大花筒喇。加油。

又要努力儲萬寧印花喇.

前幾個月萬寧印花可以換孖人牌後。萬寧又有一個新力作。
登登登..................今次係換Staub煲呀。
價錢仲要好抵，可以話抵到喊。
26cm (4.6L)都係加HK$989.00 ( 綠色 Basil Green )
24cm (3.8L)都係加HK$899.00 ( 藍色 Royal Blue )
18cm (1.7L)都係加HK$599.00 ( 紅色 Cherry )

韓劇 {來自星星的你}

已經好耐無追劇喇，不過見依套個個都讚好睇，咁啱又撞正要上廣州去飲，所以即刻Download哂落部pad度帶去坐車時慢慢，好彩做左依個決定，因為屋企人選擇坐巴士上去，每程三小時，來回即係六個鐘呀，仲有晚上係酒店既時間，如果無左星星，時間真係幾難過。