韓國版LM 花花煲

偶然既機會下，竟然可以得到韓國版既LM花花煲，開心C。

不過應承左老公，只係拎佢返嚟跟台灣版作對比，然後會二攞其一，另一個會放返出去。
佢地兩個一齊合照呀，兩個都好靚。

西多士＠氣炸鍋＝不再邪惡的西多士

我同老公都好鍾意食西多士，買依個鍋其中一個原因都係為左個西多士。
上週放假終於有時間整嚟食。

做法好簡單，跟平時整既程序一樣，只係今次唔用由炸，改放入氣炸鍋中。

Beauty Box by NOOS – 十月份盒子

終於收到 10月份既Beauty Box 喇。
今次個盒無九月份咁靚，不過我地唔係睇外表，我地係注重內涵既。

由於上個月訂開，所以今期係係另一皇版 - Bicelle - Hydra B5 Cream Mask同其它幾款試用裝，$120 可以買到一樽街買容量既B5 Cream mask 真係極度超值。

之前其實都未用過依款Cream Mask，但之前有用開佢既精華素及paper mask，效果唔錯，所以都好冀待依樽Cream Mask。

厚大頸巾

出名怕凍的我，前幾日收工已經覺得凍左，手腳也是凍凍的。
但約了家人出街食飯。所以只我收工即刻跑去買條頸巾。

本來只係想買條不厚不薄的頸巾，但最後卻看中一條好厚的頸巾。諗住遲啲冬天都啱用，所以照買。
晚上食飯時，家人見到也不禁問我有無咁凍。但後來真係覺得仍不夠暖，要包實埋個身至得。依家都未開始凍，遲啲真係凍時我點算。

今次買了條双面的，一邊灰一邊黃，仲要係MADE IN KOREA。
因為係香工度買，所以好抵，只係$130/條。

大閘蟹之夜

近依幾年，每年都會去家姐度食大閘蟹。
雖則本人十分愛好食蟹，但一直對大閘蟹麻麻地。
因為個蟹拑有毛，由細到大鍾意用牙咬開啲殼。同埋我唔鍾意食蟹膏。
不過老公同我相反，佢只愛食膏及蟹蓋，因為不用去殼，佢怕麻煩。所我唔食既嘢，啱啱好可以俾佢幫我食哂。

今年大閘蟹當造。好早已經見好多人開始食。（因為依年入左網上好多唔同既美食group，所以見人地不停post 相。）
今次終於到我地食喇。

勁多膏呀。

老黃瓜湯

唔愛好飲湯既老公，突然話想飲啲袪濕既湯水。
個人嚟講當然覺得葛湯較好飲。但問題在於葛湯好複雜，之前想飲都係突登叫媽咪煲，對於太耐無煲湯既我嚟講葛湯太高難度喇。(依兩年都係用湯包多，每包已經執好哂材料，只需要加舊肉即可)

問過朋友，佢地介紹我煲老黃瓜，未煲過依款湯既我，當然又出現一大堆問題出現啦。
例如：黃瓜點分老嫩，應該用乜嘢肉嚟煲之後都仲滑可以食既。返到屋企打開雪櫃，差不多見到乜嘢都落鬼哂落煲湯度，本來仲想落埋龍眼干，但怕唔合適，所以忍手無落。

曬果皮 - 2014年

今年同老公講想曬一箱果皮，竟然無阻止我。仲問我去邊度買好，又提議我買定當日報紙放入樽內，等知道邊年邊日曬啲果皮。

本來諗住老公生日當晚去果欄買新會柑，但飯後已經攰及怕晚上果欄啲人忙於上落貨，怕阻住佢地，所以第二日至買。但當晚已經買定左報紙，唔理喇，照入依個日子入樽啦。hahahha....

老公生日一日遊 @ 海洋公園

一早決定左老公生日當天入海洋公園行吓。
但早上突然有嘢要求，所以要等老公收工至可以入去。
食埋嘢，過到去其實都已經四點多，而且又約左屋企人晚上食飯，所以去到門口都有諗過仲入唔入場好。不過其實我地都唔玩機動遊戲，都係自在行吓，所以無理咁多，照入場。

我地已經有幾年無入過嚟喇。
都係自在行下水族館，原來依家山下都有間大水族館，見唔算太多人，而且太約等候時間15分鐘。但估唔到依幾十分鐘令我非常之燥。

因為排隊既多數都係國內人，佢地真係咁多年都唔識得乜嘢叫排隊。見到有位就得上前，排係我後面嗰位第一次想行係我前面時，已經同佢講要排隊，又扮聽唔明國語。之後見有指示，我直頭要指俾佢睇叫佢自己睇中文。但之後佢都係想繼續行去我前面。

之後有好多人都想不停行前。已經俾我話左幾個人。
但最後我輸左，因為有一位非常高大既男領隊，旁約無人咁不停慢步向前行打尖。撞到我都無反應仲要不停行，真係好想叫非禮。但佢咁既行為，令佢成功將條隧分開左右兩邊，左邊就係佢地既專屬通道，佢身後既鴨仔就若無奇事咁跟住佢打尖。而右邊就係排隊既香港人。

睇完依度，入左熊貓館就坐覽車上山。
其實只係一入嚟一個鐘左右，已經覺得累，所以一落車就走左入餐廳飲嘢休息吓。
依度無乜國內人，舒服好多。

之後行埋沙魚館同坐摩天輪就走喇，因為夠鐘同屋企人食飯喇。

依段時間係halloween，好似收11點。
所以如果唔係約左屋企人食飯，仲可以繼續玩。
因為周圍都好多人扮鬼，可以同佢地影相。
最重要係生日都仲可以免費入場，唔會話因為特別日子而無左。

交換成功

其實已經完成以下交易都有一個多星期，好快已經搵到JM 交換。

不過最後都係唔捨得個peach 細花碟，所以無賣到出去。
反而用左貴開倉價少少既價錢買多左套紫細心深碟，
開倉價：$180；依家同JM買係$240。
貴幾十，都好過自己再去排隊入去搵，仲要未必入去嗰場有依個款。（自我安慰中）

淘不停

依段時間其實都不停地淘寶寶，除左價錢較香港平之外，最重要係可以網上搵得到，唔洗走出街周圍搵。特別近依兩年，真係唔多願走出街同人迫，就算出去，都盡可能去啲無咁多人既地點。
所以如果要買嘢，淘寶是一個較方便既選擇。

以下幾樣是近期淘左而又滿意既產品。


廚房瀝水碗碟架。
http://tw.taobao.com/item/23573276947.htm?fromSite=main&spm=a1z09.2.9.333.iuZDFV%2Ca1z09.2.9.333.iuZDFV&_u=c5vuqfjfa48%2Cc5vuqfjfa48

依個我非常滿意，雖然係買俾媽咪同奶奶用，唔係自己用，但我覺得依個排常方便，價錢又平。只係人仔15.80/個（小號）。
流水方向也可以選擇，可以因應自已廚房位置而作出選擇，因為媽咪同奶奶廚房洗碗盤位置不一樣，所以買的方向也不一樣。

Beauty Box by NOOS - 九月份盒子

早排經朋友介紹訂購了NOOS 的Beauty Box。

其實我係被盒中的 Bicelle  - B5 Gel 吸引。

單單一支 B5 價值已經係 HK$480.00。但依家只需要 $120 即可以擁有佢，仲未計其它的試用裝。

為何我會被依支B5 吸引 ??

因為前幾年睇皮膚科醫生，搽了藥膏後會嚴重脫皮及極乾。搽好多補濕都會痛到不得了及紅哂，但只有搽B5 GEL 才沒有事。所以特別鍾情於佢。

依家只需要 $120，當然是物超所值啦。

NOOS BEAUTY BOX 訂購連結:  http://bit.ly/1tgYQzd

德國寶 Food Steamer

上個月見百佳有得用績分加錢換蒸爐，雖然唔係心目中想要既蒸爐。

但價錢平，當換嚟試吓用吓翻蒸食品，試吓用也不錯。

依款是三層，跟機送了一個隋圓形盤及四個杯仔。

由於機身較窄，屋企現成既大碟全部放唔入，如果係買一座嗰啲蒸爐，咁就唔洗理放唔放得入，因為空間大，乜都可以放入，連LC 湯盅也可以放入，就可以燉湯，整不同既糖水，但依家因為價錢平，所以將就吓啦。

依家用左 5,000績分 + $135就可以換到依個三層蒸爐喇。真係超抵。

Beauty Clinic Mediheal N.M.F. 高效特強保濕導入面膜

早排經朋友介紹試用左 Beauty Clinic Mediheal N.M.F 高效特強保濕導入面膜。
依款係韓國Paper mask，佢話好補濕，不停推介俾我，最重要係佢發現左間韓國代購價錢平。
$110/一盒，一盒有10 pack，即係 $11/片。

見佢不停讚，價錢又平，所以最後都忍唔住買左一盒嚟用，用法好簡單，跟平時一樣。
連續用左兩日，發覺補濕效果真係唔錯，依家天氣開始乾燥，當然啱哂用嚟為皮膚補補水啦。

如果大家對依款面膜有興趣，可以到以下facebook fan pages 睇吓:
https://www.facebook.com/permalink.php?story_fbid=722690537804142&id=137358529670682

大板王將

同老公到荃灣Shopping，當然要醫肚先啦，肚餓見到一間啱食既就走入去喇。
我地坐近落地玻璃窗，座位也舒服，感覺不錯。
因為肚餓，沖沖點完食品就算，所以都唔記得自己點左邊款麵。
只係記得味道唔錯，同埋好多麵，跟本食唔哂。

購物日

我的小姪女 10月底就會出世喇。所以早排有BB展就捉左老公去荃灣度買禮物。
嗰邊有齊AEON 及一田，兩間也有BB展。所以過去睇吓。
不過由於早排係Aeon 買嘢送左啲現金卷，所以最後都係去返Aeon 度買。

首先買左我地自用既電動牙刷，屋企嗰部都用左幾年，開始有啲壞，所以要買部新既，今次選用聲波電動牙刷，仲要係可以 for 敏感牙齒。
返到屋企至知原來有埋一個牙縫刷頭。
原價$758。
由於我有 $200 減 $20 coupon，所以順手買埋備用刷頭，咁就可以用哂4張coupon，減左$80。抵呀。

大壹冰室－荃灣

噙朝過左荃灣豐澤，因為有Iphone 6可以取，但要親身到場至知有乜嘢機，我既target 係Iphone 6 plus，為左佢，所以又要走過去，11點半前已經到達荃灣廣場，因為如果晏左，停車場要排隊入，所以早啲好過。
不過好失望，因為只有Iphone 6，16g, 64g 及128g 都有貨，但無我最想要既plus。依家電話我放入手袋，已經好少袋入褲袋，所以都想要大部啲，睇得開心啲嘛。

既然無機，更係去醫肚啦，細佬介紹我地去食大壹冰室，佢話平時好多人排隊，所以我地就走去試吓。
可能我地都仲算係早，大約12點左右，所以都仲有幾枱吉枱，不用排隊。

慰勞甜品- Apple Pie

為左慰勞噙日陪我排左幾小時既老公，今日特登整返佢最愛既蘋果批俾佢食。其實話整俾佢食好耐架喇，今次真係整俾佢食喇。

不過其實我都係出貓，用左現成預拌粉，簡單又保證個皮好食。

2014 Le Creuset 秋之開倉 ( 10月4 ~ 7日)

依排銅鑼灣被封路，本來都諗住唔過去LC 開倉。
因為無乜特別嘢想買，而且要排幾小時，所以真係減低哂想過去既沖動。
但係 10月03日係Media 及 VIP 優先入場日，今年竟然出現好多紫色ITEMS，又中我死穴。所以同老公講，好想過去。
老公二話不說已經話想去就去。