西多士＠氣炸鍋＝不再邪惡的西多士

我同老公都好鍾意食西多士，買依個鍋其中一個原因都係為左個西多士。
上週放假終於有時間整嚟食。

做法好簡單，跟平時整既程序一樣，只係今次唔用由炸，改放入氣炸鍋中。



跟谷友使用無邊既方包。
唔明點解要用無邊，不過平時我都不太喜歡食較硬既邊位，無邊既話，我仲開心。

搽了厚厚的花生醬。

兩份用了三隻雞蛋，把麵包浸透蛋醬。（平時我只係將包面索左蛋醬就拎去炸）

預熱氣炸鍋約5分鐘。
然後以焗爐紙墊低放入爐中，以 180 ~ 200度炸6分鐘，再反轉炸6分鐘。
時間可以自行查看效果作出調整。
（谷友可能用P記，所以佢地用180度氣炸約4~6分鐘即可，但我要反轉及加長時間至得）

第一份可能較心急出爐，未夠時間，所以無咁香蛋味。
但第二份，焗得較耐一點，老公話好香蛋味。

唔知係咪因為浸透雞蛋，所以食完覺得好飽。（去左邊既麵包較有邊麵包細片）

味道，我同老公都覺得氣炸跟傳統油炸始終有啲分別。我地都覺得油炸好食啲。
但氣炸又的確健康好多，因為我係一滴油都無落過，一點點油也沒有噴過。
不過我諗住下次整兩份，一份用油炸，一份用氣炸，再同老公試吓係咪真係相差咁遠。