漸變白色

哈哈.. 上次套靚甲俾老公彈，所以今次整返套低調一啲，但又覺得好靚既漸變白色。

清湯腩

買左個煲後一直想試整清湯腩，但老公怕我整得唔好食，所以一直唔多想我整。
上星期答應左屋企人煮返餐俾佢地食，所以我決定要其中一樣要整清湯腩。
（真慚愧，好似咁多年真係未曾煮過一餐飯俾家人食）

前一日早上已經要去牛肉檔買磞沙腩，聽人講磞沙腩會爽同腍一啲，但最好朝早去買，會容易買一啲。
依個餸我用左好多心機去整，好彩個個都讚，仲要話依個餸係最好食。第二日我同老公仲將食淨既清湯腩用嚟加米粉嚟清哂去。

材料：
磞沙腩，牛坑腩 1斤
薑  8片
白蘿蔔   1條
冰糖   1茶匙
花椒   少量
八角   2粒
牛濃湯寶    1份


製法：
1.  凍水落牛腩及4片薑，中大火煮至滾起後即可以取出及洗淨。煲內的水可以倒走。

2.  把洗淨的牛腩，冰糖，薑4片，花椒及八角放入煲中，再注入水，水的份量是浸過材料太約多一倍的水。

3.  開蓋大火把水滾起，然後蓋上煲蓋小火煲約30分鐘，熄火焗約30分鐘。再重複開蓋大火滾起，然後蓋上煲蓋小火煲約30分鐘，熄火焗約30分鐘。這步驟重複約三次。

4.  大火再滾起，去油，薑，花椒及八角。然後加入濃湯寶及已經切成片的白蘿蔔，滾起後再加蓋轉用小火焗30分鐘即成。


成品，不過未完全去清啲油。

燒腩仔

真係估唔到竟然可以用staub 或者Le Creuset 整到燒腩仔，而且啲肉仲唔會＂un＂。咁就唔洗買光波爐都得喇。

而且，谷友教既係簡易版，真係超級方便，連孔都唔洗吉。

材料：
五花腩　一舊
鹽　　　一湯匙
五香粉　一茶匙

做法：
五花腩洗淨後清毛，再清洗及抹干，然後用鹽及五香粉醃大約兩小時，連皮及所有內層也搽上醃料。
用中火係煲落一層油，油熱後放入肉（煲唔夠熱放肉的話會容易痴底），豬皮向煲底。
然後蓋上煲蓋，轉用細火煮大約45分鐘（時間要時乎豬肉大小），期間不要打開煲蓋。
時間夠鐘後即可取出，不用再爐。


P.S. :
1. 期間會聽到煲肉出現＂支支炸炸＂既聲，這是正常的。
2. 如果想要個皮夠脆，可以用碟或者碗將豬肉壓實來煮。
3. 另外，想個皮夠脆都要確保豬皮夠干身才放入煲內，所以可以放入雪櫃一會，這可以抽干一點水份。

成品

無水蒸

近日好喜歡整無水蒸，因為我會亂咁嚟，放左唔同材料落去一次過整哂。
咁就可以一鑊熟，加碗白飯，就可以開飯喇。

蒜蓉豆豉蒸排骨＋娃娃菜
娃娃菜吸哂啲豆豉味，好好食呀。

美極五香骨

依排成日上網搵食譜煮飯，發現依個香口餸，其實叫椒盬排骨，但煮完出嚟唔多似街食開嗰啲椒盬排骨，但老公都不停讚話好食，所以自行改名＂美極五香骨＂

材料：
排骨

醃料：
美極
五香粉
蛋漿
生粉
蒜蓉
辣椒碎

1.　排骨先用美極醃15~30分鐘。

2.    把已經醃好既排骨加入蛋漿，然後放入密實袋或保鮮袋中，加入生粉搖勻，確保每件排骨也占上生粉。

3.    以中大火把排骨炸至金黃色及熟透，然後放上隔油紙上備用。（或半煎炸亦可）

4.　煎pan放入油、蒜蓉及辣椒碎，爆香後再放入排骨，熄火後加入適量的美極及五香粉炒勻即可。