二人世界的晚餐

聖誕節幾日假期都一班人度過，假期過後終於可以兩個人食返餐飯，過返二人世界。
依幾日愛上用焗爐焗嘢食，啲肉無咁UN，容易咬好多，又唔洗點睇火，好易搞。

依幾日整左燒（焗）排骨 + 蒜蓉帶子意大利粉
兩樣都係第一次整，老公大讚個排骨好食，有90分，留返10分俾我進步喎。
其實佢原先好怕我整得唔好食，嘥左舊骨啦。
焗左差不多40分鐘，表面有少少濃，但入面啲肉，剛剛熟，仲好多肉汁。

好味道特濃朱古力奶swiss miss

之前網上見人介紹話依款朱古力奶好飲，沖出嚟似出面街賣緊$30幾蚊一杯既朱奶。所以突登走去超市買嚟飲。
沖完出嚟好似有層泡係面咁架，好香好濃，但我仍然覺得甜左少少，但$21.90/8包真係好抵啦。

2013年工展會

老公今日陪我去左行工展會，因為諗住會再同屋企人嚟行，所以都無乜買嘢，只係買左張地毯俾隻狗，佢成日瞓係我地房門等我地，地磚好凍，所以買張地毯放係房門俾佢瞓，佢好鬼鍾意張毯，成日自己走過去撻係度。
地毯啲毛好軟熟，我地揀中尺寸，都係$30/張。見隻狗咁鍾意，如果再去，都諗住買多兩張返嚟。

prime rib - fm 杜汶澤

好喜歡食燒牛肉，但老公唔多喜歡，今日看到杜先生教整，所以把它COPY下來（如果有版權的話，可以除時Delete的）

http://hk.apple.nextmedia.com/entertainment/art/20131226/18566561

我的聖誕禮物 - 豬豬煲

老公噙日突然嚟接我收工，話同我去兩個人去做冬。
一上車老公就遞上個紙盒。當堂啞左，點解會係staub既，而且個盒尺寸好細。一打開個盒，開心死我喇，係我恨左好耐好耐既豬豬煲呀。
本來一直都想買，但上次同staub 既sales傾開，佢地話個豬煲真係超細過，又因為只有中國staub至有，中國要有進口稅，所以一啲都唔平，所以本來都打消想買依個煲。
但估唔到老公靜雞雞買俾我，仲要俾surprise俾我，所以搵朋友幫手訂。我事前完全唔知，亦估唔到佢會買俾我。勁開心呀。


你睇下佢幾靚仔，幾得意

信用卡換Le Creuset 22cm圓煲

之前有朋友提及有信用卡的迎新禮品可以加錢換LC 22cm煲，本來我都無乜興趣，所以無為意。一嚟已經夠煲用，二嚟如果再買都只會係買靚色同靚款。
而信用卡只有紅／藍色，所以唔多吸引我。

但近期有朋友中毒了，一個朝早已經被我成功地引她花了近$2,000買一個心心煲。所以突然想起信用卡有此優惠，只需要2個月簽$4,800，跟住就可以 +HKD599換一個 22CM煲，其實真係好超值。


http://hk.dbs.com/zh/consumer/creditcards/treats/mobile/monthly_offer.html?offer=acq

LC 手抽碗- Satin Pink + PS4

之前訂左既satin pink 已經有貨了，代購好快手，朝早同佢講用宅急送嚟公司，下午已經收到了。雖然只係兩個碗，但個紙箱都幾大個。本身都知依款碗係無紙盒包裝，但他們已經用bubble紙包好，所以兩個碗係可以有啲迫爆紙箱既感覺。

Le Creuset Salad bowl

真係好難揀呀，選擇困難症又再次出現喇。
紫色就一定要架喇。但揀邊個粉紅色好呢?? Natural Pink ?? Satin Pink ??

酵素+晚餐

見屋企仲有水果，又懶得切嚟食，所以用嚟整鬼埋水果酵素，因為飲左幾日，都覺得唔錯，所以應該會keep住整。

今次整左蘋果＋橙。因為見水果唔太多，又懶得用大樽，所以橙全部去皮及切到細細粒嚟入樽。但都要少少暴力至可以將全部材料迫哂入去。

12。12

噙日係12.12，係我地結婚11個月既紀念日。但由於近期公司較忙，所以都只係隨便出街食好少少就回家了。因為我仲要努力淘淘淘。
淘 乜嘢，主力淘爸爸大壽既用品。有啲item真係好似比平日便宜。特別我地要買成過佰隻杯做回禮禮品，每個平1元，100隻都平100元。其實我自己覺得唔 需要回禮禮物啦，但家姐又話要，所以只好買。跟住仲要買花炮，荷花臘蠋等。花炮都分左兩間嚟買。買左20支返嚟，真係好懷疑真係用得哂。本來家姐話想買 30支。
我今日至知道，原來淘寶用PPS俾錢係有限額。我到最後兩間俾唔到錢，好彩搵到人幫我入錢可以增值，如果唔係過左噙晚要俾返原價。因為其中一間店，除左每件產品平幾毫子外，仲要額外平$10。即係等同平左個運費呀。

為朋友制的水果酵素+檸檬酸

之前已經應承整一樽水果酵素俾佢，由於是為減肥，所以生果都要特別選擇果糖無咁高既水果。
今次為佢揀左：蘋果，橙，奇異果同檸檬
搵左好耐至搵到新奇士橙，其它大部分都唔知係乜嘢牌子，或者係橙皮上有一層蜡咁。

睇場記

估唔到婚後都仲有機會去睇場，不過今次係為左我爸爸大壽。
其實一早已經決定左場地，但上星期佢地正式去睇過場地後，覺得麻麻地，唔太鍾意。
所以今日下午飲茶時傾開，就提議轉其它場地，因為擺既圍數唔算多，都係大約6~8圍左右。所以都幾難諗。
突然老公諗起九龍灣附近有個細場地，又係附近，所以即刻過去睇場。

地點：爸爸覺得滿意，都算方便。（之前提中嗰間係尖沙咀近尖東嗰邊）
場地：爸爸好滿意，想即刻落訂，因為係細場，六圍已經可以包場，又係獨立一揀，又有個露天花園，佢地玩到幾嘈幾癲都唔怕。
但因為之前個場地係家姐搞，唔知係咪真係可以退，所以要等家姐回港後至可以決定。

芒果布甸

芒果                     8個
鮮忌廉                 200ml
砂糖                     大約140g ( 因應芒果甜度自己再調整份量)
魚膠粉                 30g
芒果味啫喱粉     1盒
熱水                     350ml
清水                     450ml


芒果先去皮，其中兩個備用作果肉。其它6個則放入攪拌機打成芒果茸。

忙碌的星期六

今朝一早起身同老公落街食早餐，跟住就去萬寧買日用品。等左兩星期，終於送啲有用啲既嘢。今次送米呀。仲要送左兩包呀。