最終決定

同男友平衡各方好處之後,  最後兩強就係聘珍樓同裕滿人家.

其實聘珍樓既裝修真係令我地印象深刻 . 須然菜單貴少少, 但係佢又包左好多嘢. 又有三小時琴師彈鋼琴 .
但裕滿人家送既嘢真係好吸引. 場地又唔錯.

但係詳細比較過後. 我同男友都唔想因為平幾萬, 而令自己後悔. 所以今日收工後即到聘珍樓落訂. 婚期定左係2013年1月12日. (好彩搞左成個月仲有期)

搞掂後真係放下心頭大石咁. 成個人輕鬆哂.

距離婚期仲有差唔多年半時間. 可以休息吓. 等下年三 , 四月至開始搞. YEAH....

( 其實怕太早落訂俾舖, D 舖頭有乜事. 咁我點呀. 下年至搞LU )

荔枝角- 裕滿人家

由於家姐朋友一直未回覆到譽宴既價錢, 而婚展又到喇. 所以我地都好心急想要既期會唔會俾人book 左.

係依段期間, 有朋友介紹左依間俾我, 佢之前嚟飲過, 覺得幾靚. 所以噙日入婚展睇嘢時, 都坐低左聽下有乜優惠 . 因為如果譽宴無期, 我都要搵定後備.

嘩... 不得之了, 真係好吸引. 送好多嘢.

每圍送美心或者東海堂餅卡- 8張.(由於佢地公司未決定, 所以都未知會送邊間) . 如果我擺16圍咪即係送128張?? 差唔多唔洗再額外餅卡.

送簽名佈, 送帖- 張帖係會印有新人相片的 (但其實我唔係太鍾意, 所以張帖唔係太吸引我) . 佢地會幫我地print 埋坐位表.

16-18 圍可以包西式.間場既板係由底至頂的.

轉鮑魚都係加$550/圍(無記錯話係三頭鮑).

設備 -- 係進場前, 嘉賓睇緊片時, 我地會係另一邊有一部電視一齊睇, 到差唔多時間會有職員帶我地準備進場.  進場門口內有一部噴霧機,  台上又要泡泡及霧機做效果 .

由於我男友未去過依度 , 所以今日就過嚟同佢睇吓. 因為噙日婚展, 佢地送左$50現金卷. 咁就順手用埋啦.

其實我之前都嚟過飲茶, 都大概知係點. 不過男友未嚟過.

酒樓內有一位女經理(唔知係咪經理, 但應該係跟婚宴既) , 見我地等食期間係咁望, 所以過嚟問我地係咪睇場. 由於接近3,4點. 佢地都要佈置晚上既宴會. 所以依位小姐都順手開埋噙日婚展好似無提過既射燈俾我地睇, 係有新人既名, 係咁慢轉同射係牆上. (不過佢唔講, 我都睇唔出係名嚟)

另外, 頂部燈光係會不停轉色. 但就唔可以自由選擇要乜色. 只可以由佢不停變色.

場地裝修似酒店. 其它嘢都同噙日婚展所講既差唔多. 不過等進場時, 要係商場走廊度等. 依part 好似麻麻地.

同埋間酒樓名唔好聽囉. 唔明點解佢唔改另一個好d 既名. 因為之前未來62 聽到依個名, 印象係停留係元朗嗰間殘舊元朗人家(同一集團)

決定自拍婚照

由於家姐朋友送既package 唔多合意，而我鍾意既攝影師都收得好貴吓。
所以同男友商議後，我地決定自拍婚照。
我男友本身都有影開相既，都知道自拍會比幫人拍更難。但唔怕，因為我地仲有一年多時間慢慢影嘛。
咁我要開始淘寶搵衫了。

佐敦- 譽宴

其實經過上次俾mammy rejected 場地之後, 我都無乜心機再睇. 不過家姐話有人介紹依個場靚, 又可能識人平少少. 所以都過嚟睇下啦.

要上酒樓要先上電梯再轉lift , 部lift 又要上幾級樓梯至到. 有少少唔方便. 由於我地主要請親戚 , 有部分老人家唔太方便行樓梯, 所以依d 都要注意吓.

一出lift 已經係會場, 主要用布作裝飾 . 比我想像中細. 因為之前聽過進場可以選擇南瓜車. 所以一直以為好大間.

新娘房唔算特別大間, 有獨立廁所 , 仲有電視可以睇到外面情況.

新娘房外有一度門. 可以行上個閣樓. 依個閣樓可以用嚟做麻雀房, 或者用嚟俾兄弟姊妹休息.

菜單唔算特別平. 又無得送餐前少食. 要既話好似要加$2,000. 開席後飲品又要加錢, 加下加下. 一d 都唔平.

其實我未嚟之前有打過電話嚟問飲品package 價錢. 但佢地答得好含糊 , 無一個實價咁. 打嚟佐敦問又係咁, 打去太子分店度問又係咁. (因為唔佢地答乜, 所以只好再打去太子店再問)
搞左好耐至問到最平飲品package 係$650/圍. 啤酒/汽水/三款果汁. 但唔係鮮榨果汁, 只係盒裝. 原先以為依個價係包埋紅酒任飲啦. 原來又唔係, 只係每圍一支. 如果要埋紅酒任飲, package要$1,200/圍 . 好貴噢. 酒店嗎??


所以只好等熟人問老友價錢了.

擇日子

通知哂四大長老之後, 就係擇日喇. (因為男家要求)

係forum 度有人介紹一位師傅, 即使未出下一年通勝都可以計算到好日子. 仲會好詳細解釋 . 所以就搵佢啦.

依位師傅好快手 , 今日俾資料佢, 第二晚已經可以約見面講解. 由於未來62 , 99 都一齊去, 所以有好多習俗嘢佢地都識唔需要用太多時間講解. 但都講左一小時. 真係好詳細, 而且, 佢仲好IT tim, 所有資料都用電腦打印, 仲會send 返一份soft copy 去我醫貓度tim.

由於一早決定擺酒日子要係星期六, 日 . 及要係冬天. (天氣太熱, d 兄弟姊妹會好辛苦). 所以請他擇10月至1月的好日子. 但去到後, 聽佢講, 因為真係無乜好日子係星期六, 日, 所以佢由9月至2月初既好日子都幫我地擇哂出嚟, 仲例哂所有日子既吉, 平, 兇時出嚟, 俾我地自已選擇, 同埋多d 日子同酒樓夾期. 真細心. 

依位師傅就係- 李青楊師傅