日本輕黏土玫瑰花筆

今晚同朋友去學做輕黏土花 , 有得選擇做花筆, 襟花 及手花.
 
我揀左做筆及玫瑰花 , 因為見另一位學員做牡丹 , 但好似唔多似, 所以學做玫瑰花 . 比想像中容易 (可能有導師幫助下至覺得容易 ) . 唔洗兩小時完成.

支筆只係普通原子筆, 如果唔係可以用埋嚟做big day 簽名筆.

Choux Creme - 芭芙

終於等到再有團購喇.

我真係好鍾意食芭芙, 所以成日諗結婚既席前小食加上芭芙. 但十幾蚊一個又確實好貴. 所以成日都留意有無Bread Papa 再做團購(有一次好抵呀, 唔洗$10買到$20面值) . 但一直等都係無既.

噙日無意中開bee crazy , 有芭芙既團購, 但唔係bread papa , 而係間叫 Choux Creme . 其實我都未聽過/見過依間嘢, 但睇過d 地址, 好似又同Bread papa 係一樣既, 上網搵, 又無話Bread Papa 結業喎. 咁即係點???

開埋open rice , 見依間Choux Creme 都有d good comment , 唔理喇, 依間嘢係我擺酒嗰邊都有分店, 照買左現金劵. 到時用嚟做埋席前小食. 咁我又有得食喇. Yeah....



http://beecrazy.hk/deal/%2410-for-%2420-cash-voucher-for-use-at-choux-creme!-choose-from-more-than-10-delicious-flavors-at-1-of-1

褂鞋

原先都諗住想買對傳統褂鞋 , 只係未決定去有利定先達.
唔理自己高度, 都想照著傳統褂鞋. 因為覺得好靚. 著傳統褂, 梗係要襯返傳統鞋啦.
( 著無踭褂鞋, 同男友高度會相差一個頭, 好礙眼 )

但今日同男友入鞋舖見d 波鞋有特價. 無意中發現依對,好隨意問男友依對可唔可襯褂, 佢話幾靚喎.
特價後只係$319, 會員再有九五折, 折實只係$303.10,
諗左一陣, 買依對之後就一定著得返, 傳統褂鞋 ( 約$200 ) 就著唔返 .  

我都有問過, 有黑色怕唔怕, 佢話對鞋主色係紅色. 再唔係, 到時再換埋紅色鞋帶.
咁佢咁講, 我都唔理喇, 以之後可以用返為先喇.


今日好開心, 一次過搞掂三樣嘢, 褂鞋, 姊妹裙, candy corner.

Like 姊妹裙及氣球佈置 - Confirmed

經過一晚既考慮.  最後決定都係join - Like 姊妹裙及氣球佈置.

真係要再次多謝 Iris 既介紹, 咁樣又完成一個項目喇.

但我仲未決定顏色呀, 因為原先想選用淺紫色, 但又怕紫色好蝦人著.  仍在苦惱中.
但唔理喇, 落左訂, confirm 左價錢同攞左優惠先喇.

*** 其實我試左幾件唔同色既裙, 我男友話, 又唔係你著, 試嚟仲乜, 但我又真係想睇著上身後邊個色會好睇啲喎.


仲未搵姊妹裙既朋友, 可以去佢地 facebook 度睇下, 7月份有以下promote 呢 !!!

Facebook: https://www.facebook.com/Likebridesmaiddress

姊妹裙的決擇

其實本身諗住依一part 好容易搞掂. 因為於上年開始搵所有有關結婚資料時, 曾經於網上見過一張相, 係一班姊妹著左條白色lace面料既姊妹裙. 出嚟效果好grand , 好靚. ( 好後悔無Save 低張相 ). 所以一心諗住依款就算. 但去到姊妹裙集中地 - 百利搵裙至知道. 較少舖頭做依款裙. 價錢比雪紡料貴一點. 最重要係, 原來用lace 做面料. 差唔多只有一個款式. 因為lace 唔可以選擇打摺嗰d 款. 同埋如果造得唔好. 朋友話會造到好似睡裙咁.

所以為免一班姊妹著住睡衣出場. 所以只好改變方針. 有諗過娟/鍛料, 但又係好少用依d 料造長裙款. 因為娟料較厚, 如果造長裙無咁好睇, 所以一般店舖只有用雪紡造長裙.
雖然有朋友話姊妹只係配角, 唔需要花咁多時間同心思係依度. 但我覺得, 佢地當日要幫我手既. 我都想佢地都靚d嘛.

由於有朋友join 左一間造姊妹裙既店舖, 改左兩至三次都改唔啱身. 所以為避免幫手既姊妹受依d 苦. 所以都用左啲時間做資料搜集.
以下係我依幾日去過既店舖.


I Wedding House 香港姊妹裙專賣店  (荔枝角)
大路款式. 主要做雪紡料. 好少娟料裙. 價錢分兩類. 短: $268 , 長: $298
(由於當時仍想搵娟料. 所以只先做後備. 但價錢平, 都可以考慮轉用雪紡料造姊妹裙. )


The Perfect One Wedding 喜悅婚禮服務 (荔枝角)
店舖好似係乜都有, 影相, 租婚紗, 姊妹裙乜都有. 由於姊妹裙只係業務一部分, 所以唔算多款. 但會搵到d 特別少少既款式. 價錢由$3xx ~ $5xx.


Like 姊妹裙及氣球佈置 (觀塘)
依間係由另一blogger - Iris 既blog 見到佢啱啱join 左依間既姊妹裙, 所以至知道依間店.
其實位置於觀塘. 都有諗過會唔會遠左少少. 但問過班姊妹又話無問題, 所以就上去睇下.
伴娘既評語係, 價錢, 款式 (因可以選擇加閃石- 免費的) , 質地都比百利既好.
7月份有promote , 可以免費租借candy jar 及佈置. 本身已經放棄左Candy corner . 所以不太吸引. (主要原因係男友覺得無人會食). 但租爆谷機間舖又十問九唔應. 所以如果免費借用candy jar 都可以再次考慮. 因為伴娘大力贊成整candy corner.


Yume (百利)
係依度搵到我想要既鍛料姊妹長裙. 問清楚後至知道. 佢地係用較貴既韓國鍛料嚟做裙. 佢有好多依款料既長裙. 但好貴. out 哂budget, 如果訂造要差唔多九佰蚊條. 店員都建議我租, 租長裙只需要$380. 比買走平差唔多$500. 佢話用依$500 嚟提供埋化妝佢班姊妹仲好.


其實百利大部分既姊妹裙店舖都睇過,  除左Yume 較好外, 其它大部分都差唔多.
質料, 我會覺得Like 較好, 價錢亦都係.
百利有d 店舖用色丁料造姊妹長裙 ( 同我想要既娟料效果差唔多 ) . 店員要問返老闆娘價錢, 一條好普通既款, 老闆娘開價$598. 感覺價錢好浮動.

同埋我都唔太明白. 點解會咁多租姊妹裙既舖頭, 價錢我覺得唔比訂造平好多, 平均都要$280 ~ $3XX . 唔小心整Dirty 左又要賠. 　




原先想要既Lace料裙

由另一個blog 睇到依張相後, 想搵既質料: 鍛料

Our Wedding Website

見到另一位BLOG友整左個For wedding 既website . 我又貪得意自己整返個.

咁結婚當日既相又可以update 係依度, 俾朋友自已download 返. 又可以係度邀請朋友到自己婚禮. 好似幾方便.

但我仲未完全整掂個website , 仲未整到自己想要既顏色呢.



如果大家有興趣都可以整返個. 已經有template, 只要改返自己資料就得.

Website : www.wix.com

倒數半年 - 進度表

唔經唔覺, 原來仲有半年就結婚喇. 時間過得真係快.

係時候整過進度表先.

婚期大日子 : 2013年01月12日 (星期六)

婚宴地點︰ 聘珍樓 (觀塘)

註冊場地: 伯大尼 ( 1 ~ 3pm )

証婚律師 : 王婕妤律師 

酒樓佈置: 用酒樓提供的西式背景板及迎賓檯

婚紗相: 自拍 ( Fill Lam Photograghy )

當日婚禮攝影攝錄:  Unique Momento Photography 

新娘化妝師︰ Makeup secret - Carie Lam  .

姊妹化妝師︰ Makeup secret 

奶奶, 媽咪化妝師︰ Makeup secret

新娘婚紗及晚裝︰ 唯美主義

頭婚 : 諗緊買唔買一個長頭紗好

裙褂： 未定 ( 暫定京華禮服 )

媽咪衫：唯美主義

奶奶衫： 未定 . 但應該訂造

新郎禮服： 未定

爸爸西裝： 未定

晚裝鞋： 波鞋

婚紗鞋 : 銀色

褂鞋： 未定  ( 心目中選擇係: 有利 或者 先達 )

新郎禮服鞋： 未定

伴郎及伴娘： 己定

兄弟團： 己定

姊妹團： 己定
 
兄弟制服： 未定

姊妹裙： 未定

婚禮司儀： 未定

過大禮時間： 2012年12月09日 (星期日) - 未時:  1~3pm

過大禮物品：未定

上頭時間 : 2013年01月11日 - 亥時: 9 pm 至 11 pm

上頭用品 : 未買. 暫定深圳買

婚前檢查： 做左普通身體檢查

婚前輔導 ： 唔需要

請帖： 未定

請帖封口貼紙 : 暫定淘寶自製我們logo 貼紙

利是封︰ 未買 , 打算深圳買

西餅咭： 美心 (120張) + 聖安娜 ( 32張 - 酒樓送 )

唐餅咭︰ 奇華 (16張 - 酒樓送 )

結婚戒指： 周大福

結婚公仔： Monchhichi
 
新娘花球：未定 ( 暫定屋企附近街市花店 )

主婚人襟花: 未定  ( 暫定屋企附近街市花店 )

姊妹手花: 未定 ( 朋友代造串珠仔手花 )

兄弟襟花: 未定

花車: 肥LADY

花車佈置： DIY

28座旅遊巴： 未定

接新娘道具︰ 未定

簽名冊 / 布︰ 未定

Welcome Board : 打算DIY

結婚證書套: DIY ( 己準備 )

婚宴客用簽名筆 : DIY

介子枕: 律師包埋

羽毛筆 : 律師包埋

行禮音樂 : 搵左部分

婚宴音樂： 搵左部分

敬酒音樂 : 搵左部分 , 但未夠數

送客音樂： 搵左部分 , 但未夠數

成長片段： 未定 ( 暫定由男友自制 )

回禮小禮物： 酒樓包左

門口油畫架 : 由酒樓提供

餐牌：未定 ( 暫定由男友自制 )

枱號咭： 未定 ( 暫定由男友自制 )

Seating Plan foam board : 男友design

紅酒： 未定

敬酒杯： 由酒樓提供

賓客名單： 己定大部分

座位表： 未定

當日Rundown： 大概諗左, 但要再執一執

乒乓菊

其實本身一直都無諗住用鮮花. 一嚟價錢貴, 二嚟我怕我唔識保養, 未行禮已經半謝階段. 所以一直諗住用絲花就算.

但有次無意中打開唯美主義既FB 相薄, 睇有無新款裙時, 竟然俾我發現佢地有做花球. 同埋覺得依款花球好得意.
由於我唔愛好花, 除左大路既花外, 其它花類都係零知識.
誤打誤撞之下, 竟然俾我撞中個花名, 原來叫： 乒乓菊.

Send 俾朋友睇, 佢地提醒我, 依款花係咪菊花類, 怕唔怕家中長輩唔高興, 經佢一提, 我至諗起依個問題. 但又真係幾鍾意喎, 咁梗係問吓男友啦. 佢當然又答無問題, 我地自已鍾意就得喇, 他家人唔會理依d 嘢.
(有時真係懷疑係咪真係咁, 但有佢咁講, 我就攞正牌用啦  )

由於真係唔太知花價, 所以5月時已經捉左男友陪我去花墟問價, 有一間佢朋友上年用過, 花店聽到我地下年一月至用, 直頭話報唔到價.
繽紛只做他們現有款式, 唔接來圖款.
另一間就俾返接近款式我睇, 叫我預$1,200 , 只係花球, 唔包新郎襟花, 頭花, 乜都無. 好貴喎.
因為我地行緊其間, 見到有乒乓菊買, 三個球約$25 左右. 嘩..... 好好賺.

有諗過搵freelance , 但好似好多都唔肯接人地款式 . 但我又鍾意成個波款喎.

哈哈..... 有次行過屋企附近既街市中既花檔, 心血來潮 , 開張相嚟問下價錢. 價錢只係太約$480咋.
襟花, 如用貴價花如牡丹, 都係太約$20-30 左右.
咁...... 真係好好好吸引喎.
但講真, 都會擔心包裝會唔會有問題, 因為相對花墟店舖, 佢地真係較少接花球job . 但佢地又有花球相薄俾我睇.
但唔理咁多喇, 應該係返街市花舖訂就算喇.

小手袋 (Sold)

由於朋友公司結業, 餘下一批小手袋, 這幾款手袋適合配襯晚裝, 或者for 姊妹使用. 所以就幫吓手出貨喇.

有兩個款式 . 兩款也配有一短手挽帶, 如把短手挽帶藏入袋內, 則可作手提包 ( Clutch Bag ) . 另外配有一長帶, 這長帶可按個人喜愛而自行扣上.

出血價: $100/3個

餘下數量: 銀色 - 2個  ;   淺金色 - 4個   ;  花花圖案 - 5個


1. 這款有銀色及淺金色 ( 淺金色真係很淺, 如和銀色拼在一起才會明顯一點)
尺寸: 23 x 6 x 10 cm

2. 只有銀色配黑色圖案.
尺寸: 23 x 7 x 10 cm

藏起短手挽帶, 可當作clutch bag 使用.

短手挽帶

配上長帶後效果

袋內間隔

1st fitting - 唯美主義

噙晚終於去左1st fitting 喇. 今次可以試十件. 

佢地好好. 最後俾我試左十二件. 佢地好主動不停介紹衫俾我. 唔會話join 左之後無任何service. 同行既伴娘同男友都讚佢地服務好.
原來跟我張單既Carmen 有左BB喎. 真係恭喜哂. 但佢初時都好負責任幫我試衫. 但多左個助手  Venus.  佢都好好人架.  之後會由佢跟我張單. 
( 其實我都係之後至知道Carmen有左BB 咋 , 都有d 唔好意思之前佢咁盡責咁幫我試衫)

今日試左兩婚紗, 9晚裝. 婚紗佢無我想要嗰d 款. 只有接近. 但著得好肥呀. 所以都係揀返原來揀嗰件.

由於噙日個人好殘. 所以相片只提供朋友版. 費事嚇親人.

婚前物資- 頭紗 ( Sold )

由於之前準備物品用嚟影pre-wedding 時買得太多頭紗, 啱啱發現有四個頭紗仍是全新未開既. 為了避免浪費 . 所以睇下有無人啱用. 
( 由於頭紗較難拍照. 所以用返原來相片, 反而仲好過我影嗰d , 不過有兩張加入了近拍, 咁可以睇清楚d 圖案 )

價錢: $15/個


1.  1.5米緞布包邊頭紗 ( Sold )
   ~ 美國網, 緞布包邊, 純白色. 尺寸約1.45 x 1.4m 

2. 1.3米頭紗 ( Sold )
 ~ 六角網, 綫邊. 純白, 尺寸約1.3 x 1.3M

3. 1.2米樹葉花邊頭紗 ( Sold )
    ~ 六角網, 花邊, 白色 , 尺寸約0.9 x 1.2M

4. 1.5米花邊頭紗 ( Sold )
    ~ 六角網, 花邊, 白色 , 尺寸約1.4 x 1.5M 

爆谷機

有一日必然突然間諗, 不如席前小食, 加上一部爆谷機都唔錯. 唔係因為婚宴當日會有好多小朋友, 而係因為我真係好鍾意食爆谷. 所以立即上網搵料. 原來都幾多公司都有租機服務



新意念制作工程
第一間搵左新意念. 見佢有埋棉花糖機, 所以兩樣一齊問.
如果租棉花糖機會提供一名工作人員到場制作. 一般3~4小時
爆谷機, 由於較易操作, 如果單租爆谷機, 自己制作即可. 但如果同時租埋棉花糖機, 他們的工作人員可以幫手制作埋爆谷.
租金: (己包食用材料, 但唔記得包既數量)
棉花糖機: $750 (好似係$750咁上下)
爆谷機: $350 (連車仔款)
運費: 要自行安排及付款. 如果單租爆谷機, 可以第二日還. 因以24小時來計算.

** 如果租依間就兩款一齊租, 就可以有專人制作食品, 唔洗自己煩搵邊位幫手整嘢, 同埋唔洗煩自己預備材料 , 但價錢就較貴. 因為Call 車又要預幾佰 ( 因為佢地舖係荃灣, 我擺酒係觀塘 ), 及又要預埋原先無打算租既棉花糖機 (因為怕容易整dirty 地方)

新意念制作工程website : http://www.newidea.webuda.com/community.html

K & H 懷舊食品批發
單租機, 不包材料.
如果選以到會服務 ,$900 . 爆谷三小時任派, 己包一名工作人員及所有器材及材料.
棉花糖機價格一樣.
** 就咁睇已經貴過第一間新意念. 所以都費時再問單租機既價錢喇.

K & H 懷舊食品批發 website : http://kandhfood.shopping.asiasale.net/



剛欣公司
租機, 材料全包. 租借時間一天. 無工作人員幫忙.
爆谷機 ( 包機, 玉米, 專用油, 糖及8安士紙杯-約200杯) : $770
棉花糖機 ( 包機, 果味糖, 紙棒- 約200支) : $900
** 以上己包九龍或新界的運費 (只適用於地下或電梯所到達樓層) , 及已經包清洗費. 其實清洗對我嚟講都係一問題, 如果太難洗, 我會放棄.

剛欣公司 E-mail : kongyancom@yahoo.com.hk



好友創意 Good Friend Creativ
單租機, 材料費用另外買.
爆谷機: $400/天
棉花糖機: $500/天
爆谷材料: 玉米粒: $18/磅 ; 砂糖: $5/磅  ;  油: $20/支 ; 紙袋 : $20/200個
** 不包來回運費, 而且教授使用機器費用$100. 其它舖頭都免費教授架.

好友創意 website : http://www.ee8382.com  



Happy Corner Wedding
==> ( 25-July更新) 5-July send e-mail 去confirm book 爆谷機, 但等左差唔多兩星期(追過幾次email, 都無反應) 終於係17-July 至得到回復話部機俾另一客戶打爛左, 所以租唔到俾我喇. 同埋發現租金已經由$100/5日, 加價至$200/5日喇. 
係心大心細仲租唔租機既時候 , 係forum 發現有人話有間租機好平既, 就係happy corner wedding 喇. 真係好抵.
爆谷機: 新價$200/5日,  ( 舊價$100/5日)
**咁平當然唔包食材啦. 但5日喎, 因為預左結婚前後嗰幾日會好忙 , 如果租依間就唔洗太急趕喇. 交收時會教我地如何使用, 清洗只要用濕紙巾/廚房紙巾稍為抹掉油漬就得, 機器size連包裝盒係38.5 x 31.8 x 52.3cm . 依間舖係答得我最詳細架.
其實佢都有candy corner 既candy jar 出租, 每款都係$50/5日. 但我已經放棄唔搞candy corner. 所以唔需要.

Happy Corner Wedding websie : http://happycorner.wopop.com/

以下相片是由
Happy Corner Wedding 網頁中download 的.