臘味蘿蔔糕

依個食譜跟左我媽咪好多年，全部親友食過我媽咪整既蘿蔔糕都讚好。所以今年特登問佢攞此秘笈嚟整。
以下一套份量，大約可以整到兩個9"5寬既錫紙盤。

用料：
清水 ............................... 四杯
白蘿蔔 .......................... 三斤
臘腸 ............................... 四條
臘肉 ................................ 四兩（150G）
蝦米 ................................ 二兩 （75G）
冬菇 ................................ 五隻
干瑤柱 ........................... 1 ~ 2粒 （可以不落）
粘米粉 ........................... 十二兩 （450G）
鷹粟粉 ........................... 四兩 （150G）
片糖 ................................ 一塊
鹽 .................................... 一湯匙
豬油 ............................... 三湯匙 （可以不落）

新年必備食品 - 蘿蔔糕

由細到大我地都被Mammy寵壞，每年都會親自整蘿蔔乾糕俾我地食，有時整得唔好仲要俾我地彈，下年要唔好咁稀，唔好咁硬，唔好咁咸。乜嘢評語都有。有好幾年佢都想懶唔想整，都會因為我地強烈要求而又再整。近依兩年，細佬都會出手幫媽咪整大部份嘢，等佢唔洗咁辛苦，一個人要蒸成8-9底(仲要係大盤)，其實真係幾攰架。

而99近兩年都忙住揍孫，都無整蘿糕啦。講真，食開自家製既蘿蔔糕，真係食唔慣街外既蘿蔔糕。始終覺得無咁好食。
以往同老公每年新年可以食3-4底蘿蔔糕，由於近年失收（少左99既兩底），我地都要慳住食。

今年老公突然提出叫我整俾佢食，仲話會幫我刨蘿蔔，因為刨蘿蔔最花時間。其實前幾年都整過一次俾佢食，但因為太花功夫，而且我又無咁快收爐，所以都係整左一年就無再整喇，平時有時間都係協助媽咪整多。
但今年佢提出，亦都想媽咪休息吓，所以今年蘿蔔糕決定由我負責。見谷友介紹團購刨蘿蔔機，同老公講都想買返一部，都係$400幾蚊，用到兩，三年乜都抵返哂。但團購要1月24日至有得攞，仲要走到過銅鑼灣，最怕第一日唔夠貨又要等到唔知幾時，最後淘左一部機返嚟。牌子，唔知係乜，但睇佢介紹既片，套入唔同刀片，可以刨到唔同既嘢都唔錯，所以就試吓，大約HKD320左右。部機比想像中大部。嚟到係一個都唔細既紙箱，裡面仲有兩個紙盒，一盒放部機，一盒放刨嘢既配件，有五個刨嘢既配件可以選擇。

紙婚之放－台北DAY 3 – 13-JAN-2014

最後一日，終於可以瞓得晏少少，10:30至起身沖涼，執嘢準備checkout。

本來依個trip都預左無乜嘢買，所以兩個人都只係帶左個細喼，點知又買枇杷干，又買左薑母茶，又kitty碟，都幾阻地方，都花左少少時間至執好行李。

11點多已經到lobby度checkout，想去搵西門町一檔街邊檔既胡椒餅，好好食架，但幾年無嚟過台灣，唔知係咪已經無做，搵唔到喇，都幾失望。

跟住問老公想唔想食小竉包，佢立即話食啦，所以即刻坐捷運過去，行經西門町又買木瓜奶，又買左兩頂帽，老闆自己降價，每帽原價NT$490，最後NT$800就有哂兩頂。

去到鼎泰豐都等左一陣至有位，因為有旅行團同香港學生既遊學團，所以等位時間長左少少。入坐前已經點好菜，小竉包好快已經到左，我去完洗手間出嚟已經係枱上面，食完小竉包至上碗擔擔麵，老公勁後悔唔點兩竉小竉包，而怕太飽而選其中一樣係擔擔麵啦。

紙婚之放－台北DAY 2 - 12-JAN-2014

今朝5點半老公就叫醒我，點解要咁早？？因為噙日發現7-11有Hello Kitty碟換，但噙日已經被人換哂，店舖話今朝應該會翻貨，但一定要早，最好六點左右嚟，如果晏左好多時已經俾人換哂。印花其實噙晚已經儲齊（我選擇儲五個再加NT$119嚟換)。

紙婚之放－台北DAY 1 - 11-JAN-2014

老公訂左7:30AM機，所以未天光已經要出門口，好彩有細佬車我地去機場。之前一晚我已經網上Checkin揀左位，所以我地都成6:30至到機場，慢慢過關，睇下嘢就可以上機喇。

今朝第一餐係飛機餐，印象中以前CX去台灣既飛機餐都無咁求其，因為我唔鍾意食炒麵，但又怕肚餓，所以只係求其食左幾啖就留肚過去至食。

旅行前的準備

好耐無試過同老公一齊去旅行喇，其中一個原因係家中有兩隻狗，佢地習慣只係見到我地，所以如果我地去旅行，最大煩惱係佢地，因為怕佢地唔習慣，又要 諗邊個可以幫我地睇住佢地。最好當然可以放哂兩隻係一齊住啦，但佢地兩條友仔一齊去到陌生地方就煩到飛起，所以最後決定，一隻去我媽度，另一隻去99度。
冬瓜（哥基）係細佬，但最霸道同最嘈係佢，放佢係我媽度就啱，幾嘈都唔會有人投訴。因為我媽住唐樓，又有個大天台俾佢跑。

超級surprise的紙婚之旅

今朝老公突然7點左右走入房同我講，下星期結婚一周年同我去台灣，機票，酒店已經搞掂哂，叫我返公司請假就得。

本來佢諗住到出發嗰日都唔同我講架，諗住搞掂哂所有嘢就帶我去機場。但佢知我依排公司比較忙， 所以至同我講，方便同老細請假。

真係超級開心呀，因為結婚成年，佢都無時間同我去旅行，婚後雖然我去過布吉同西歐，但都係同屋企人去，所以佢突登安排結婚一周年同我去台灣啦。雖然得三日兩夜，但我都知佢要安排好多嘢至搞得成。仲要平時去旅行佢係乜嘢都唔洗理，只係執行李就得，今次佢自己訂哂所有嘢至同我講，真係不得不讚呀。