我們決定結婚啦

其實同男友拍拖都好多年喇，其間大家都有諗過結婚，但從來沒有實際行動，可能我想結時，佢唔想，佢提結時，又到我唔想。可能大家一直住埋一齊，結唔結婚覺得影響不大，因為我本人成日都講，結婚只係多一張紙，同我地唔結婚無乜分別。

但早幾日，男友可能受佢剛結婚既朋友影響，突然提出結婚，我又無乜所謂，所以就開始上網搵資料，點解要搵資料，因為我對依方便既資料係零，連大概費用乜都唔知，所以就決定同四大長老交代前，計下我地可以選擇既方式有邊幾種。

最簡單＂擺酒＂＂唔擺酒＂都要向雙方父母交代架。

講真，我麻麻地想擺酒，因為覺得要籌備成年，又要用咁多錢就只係為左一晚，覺得好唔值。但其實我同男友都預左未來９９覺得囍事要開心啲食餐飯。所以就只好努力搵下資料。

旅行結婚。曾經諗過旅行結婚，心目中想去沖繩其中一個chapel，但好似無法律效力，咁咪要返嚟香港再補辦？？上網睇過package大概三,四萬，如果包埋兩邊屋企人（12人），加加埋埋保守估計都要十一，十二萬，如果咁既價錢，好似係香港擺酒多啲人熱鬧啲，開心啲。

Lunch buffet。向男友提出依個建議，佢都話唔錯，又唔洗搞成日咁攰，食完下午就散。但原來搞Lunch buffet都唔平呀，一般都要$500~600/位。

搞完一大輪，好似擺酒係最化算，所以就向依方便進發。可以通知四大長老，我地結婚喇。