依個波波+立體英文字，係網上一間結婚設計公司第一次睇到後，真係好鍾意。但問左價錢真係好貴。成千蚊一個。
所以為左滿足自己，但又想慳錢，就諗住自己整啦，但搵左好耐依款紙同膠波。搵到心灰意冷，已經諗住放棄。
有次去聯興買紙印地圖入帖時，多口問有無相中既紙，竟然有喎。早知一嚟依度搵啦。我之前去左好多間書局，太子賣畫圖用品既店舖都搵唔到。
紙既價錢印象中，十幾蚊已經係一大張。因為要cut 自己既形狀，所以無叫聯興cut 紙，可以即時攞走。
膠波，其實我真係搵唔到。但我朋友搵到。因為佢考慮緊入佈置依行，所以唔方便話我知邊度買依個波，所以就托佢幫我買。
珠仔，深水埗好易搵到。好多顏色可以選擇。
依個波係我拖拖拉拉下，係上完頭後至完成。又搞到半夜點幾鐘兩點至瞓。
立體字，可以去依條link度download
http://www.epson.com.hk/files/minisite/papercraft/others.htm
Welcome Board，老公又係同Menu同一晚至比我。所以都係漏夜趕工。
但依項比我預算中簡單。
因為怕我地印嗰張卡紙唔夠承托力，所以我用噴膠加多一層硬卡紙至放入相架中。
然後就黏花上去喇。我比較求其，原先想將整個花球，整個黏上去，但老公見到話太大個，所以只好一束一束黏上去。排好顏色及位置，就用熱熔槍加入大量膠，啲花唔跌就算，還掂入面都唔會有人望到既。
相架 - 可以係 IKEA 有大量款式
紙 - 我地去左聯興紙業。依度超多款揀。買兩張已經可以叫佢地幫手cut , cut 紙費好似$10.00，每張大紙可以cut 到九張A4 .
聯興紙業有限公司
九龍深水埗九江街168號地下
電話: 2360 1459
Website : http://www.luenhingpaper.com.hk/
我老公係結婚三日前，終於肯整埋啲 Menu , table number card 同誓詞卡俾我。
其實見佢咁遲都唔整，我都費時催佢，當整少樣算。
但佢竟然係婚前三日至俾我，搞到我又要漏夜做黏貼工人，整到差唔多三點至瞓。
最麻煩係個Menu，因為要由一張A4 cut 返三份內容出嚟，跟住至可以痴上張底卡度，用左好多時間。
因為老公鍾意啡色，其它所有嘢都就我用左紫色，所以底卡顏色就揀用啡色。再去朋友公司印上我地既Logo，好似叫光油效果，印出嚟效果好靚呀。所以Menu 同誓詞卡底色都係一樣款。
Table Number Card，就最簡單，cut好後，對摺就可以喇。最後，當然再係我地Logo上黏返兩粒閃石啦。
我地既Menu
如有興趣, 請留言, 兩天不回覆當放棄. 物品只HOLD三天.
物品於地鐵站內交收. 荔枝角站至尖沙咀站.
1. 紫色細囍字利是封 - $5.00 (約60個 - 尺寸: 5.2 x 8.5cm ) ( SOLD )
如有興趣, 請留言, 兩天不回覆當放棄. 物品只HOLD三天.
物品於地鐵站內交收. 荔枝角站至尖沙咀站.
1. 奇華金雅喜唐卡 - $60.00／張 (7張 - 到期日2017年12月31日) ( Sold )
如有興趣, 請留言, 兩天不回覆當放棄. 物品只HOLD三天. 物品於地鐵站內交收. 荔枝角站至尖沙咀站.
1. 網 - $10.00 ( SOLD )
如有興趣, 請留言, 兩天不回覆當放棄. 物品只HOLD三天.
物品於地鐵站內交收. 荔枝角站至尖沙咀站.
1. 騰球 - $60.00 (Sold)
如有興趣, 請留言, 兩天不回覆當放棄. 物品只HOLD三天.
物品於地鐵站內交收. 荔枝角站至尖沙咀站.
1. 紫色PE襟花五個 - $20.00 (Sold)
1. T字扣30個 - $5.00 (全新未用過) (Sold)
3. 黃色花球 - $15.00 ( Sold )
如有興趣, 請留言, 兩天不回覆當放棄. 物品只HOLD三天.
物品於地鐵站內交收. 荔枝角站至尖沙咀站.
1. 紫色PE花三束 - 共17朵玫瑰花 - $15.00 (全新未用過) (Sold)
籌備一年半時間既婚禮終於圓滿地完成.
雖然中途出現左小意外. 但都順利地完成.
而晚宴都非常熱鬧同高興, 到今日回門, 也相約一班親戚, 朋友一齊睇相同片, 一齊回味. 因為當日太多笑料位.
好感恩當日天氣比預期好同暖. (對我依D 怕冷人士, 好重要)
好多謝一班兄弟姊妹既落力幫手. 特別係姊妹, 永遠係我身邊幫忙, 每一次換衫, 佢地一定自動自覺入左嚟幫忙收好衣服. 所有佈置都幫我整好, 整得好靚. 我完全無費心過.
好多謝化妝師 - Carrie Lam . 當晚幫我所設計既所有髮型及化妝. 全部都好靚, 好滿意. 真係好好. 有下年將會結婚既親戚問我攞化妝師資料.
好多謝紫軒花店, 個花球造得好好, 好靚, 仲好細心地為我遷就花球尺寸, 因為我比較細小, 所以花球尺寸也為我特別作出改動.
好多謝王律師肯為我地推遲註冊時間.
好多謝Unique Momento Photography . 三位攝影及錄影師 ( Phil , Don & Henry) 非常落力地拍照及攝影.
好多謝我老公 , 當日細心照顧 , 無令著唔慣裙既我失禮於人前 . 適時地會為我遞上小食.
特別要多謝當日來臨既所有賓客, 當晚真係相當開心同熱鬧 , 雖然仍覺得對男家唔好意思.
當日詳細情況要等我去完旅行至可以返嚟講喇. 大家等我呀.
上星期六終於約埋幾位兄弟到趙太度買恤衫.
因為男友準備左煲呔俾佢地. 本來佢地話自備恤衫即可. 但男友諗住佢地著返禮服恤衫會靚啲.
所以就一齊上去再買, 男友準備左唔同顏色既煲呔俾佢地. 而最底嗰個粉紅色煲呔, 就係我準備俾我細佬既.
另外, 又買左依款配飾俾兄弟. 淘寶張相, d 配件無咁金色, 無咁令身架, 但實物嚟左係咁. 但算啦. 用嗰一日啫.
依款手花，本來諗住自已造的(全紫色)。
但有次聚會，問左一個朋友小小的技術上既問題。跟住依位好友就主動幫忙造這手花，叫我去忙其它嘢。
所以這靚靚手花，是由一位好友幫手造架。真係唔該哂，好靚呀。
