Beauty Box by NOOS – 七月份盒子

7月份beauty box 皇牌產品 Exuviance - Purifying Clay Masque 深層潔淨更生面膜 (售價HKD560.00)

包裝: 50G

未收到前已經對佢好冀待，因為定期性深層清潔真係好重要，仲要見不同blogger 也讚好，真係好想快啲到手。
因為家中太多不同產品，所以一般收到beauty box都要先放在一邊，好少立即開嚟用，但今次收到後，即刻帶返屋企試用。
洗面後塗上，靜待 5-10分鐘就可以洗走。其間會有冰涼感覺，洗面後感覺好乾淨，但又唔會有乾淨淨既感覺。再塗上補濕產品，覺得特別吸收。

本來想訂多一套俾家姐，但拖到最後一日至訂，唔知點解一直收唔到電話既認證碼，所以眼見過左半夜 12點，就無得訂囉。

產品介紹：
- 深層潔淨毛孔，減少黑頭粉刺。
- 高效緊緻，收細粗大毛孔。
- 為細胞注入水分，用後清爽細緻。

產品成份：
5.5%葡萄糖酸，0.5%乳糖酸，3%葡萄庚糖酸，高嶺土，維他命A, C, E，膨潤土。

使用說明：
潔面後將面膜塗於臉頸，待5-15分鐘後，用溫水清洗，最後塗上面霜，每星期使用 1-2次。

合適膚質：
適合任何皮膚。

Staub x 萬寧 @ 2015年promote

Staub 今年又再跟萬寧合作。
以我所知，萬寧價錢真係比平時任何Promote 都要抵。(以香港嚟計)
如果新手及唔介意顏色真係好抵入貨。

自從上年送左個LC 俾家姐及佢自己買左個Staub 後，佢都好留意依啲promote。
本身我只係對28cm 鍋有興趣，但未決定係咪買，但家姐及朋友不停引誘，最終第一日已經失守買入28cm 鍋。本身唔入係因為跟我個蜂巢鍋一樣尺寸，只係有無蜂巢底。
不過300積分 + HKD949.00 真係超級抵。我都怕唔入會後悔及老公不停叫我換，唔好諗咁多，所以無端端就搬左佢返屋企喇。

泰式菠蘿炒飯

早排想食泰國嘢，捉左老公陪我到九龍城買材料，是但買之下，竟然買左支好香咖哩味既咖哩粉，香得嚟又唔辣，可以落到自己滿意既香度都唔洗擔心怕辣而就住落，爽呀。

依樽係細 50g - $9.00/樽，真係超抵。去街市問左幾檔泰國舖都無，諗住都要返去九龍城度買，點知竟然係屋企樓下間印尼店度有得買，早知一早嚟依度睇啦。
原來有大樽100g - $22.00/樽，按價錢就一定九龍城抵。但要特登揸車同花時間過去買。識揀既都會揀方便嗰間買。

講返菠蘿炒飯，依個係我其中一樣好鍾意食既泰國炒飯。
網上見唔難煮，所以就自己試吓，係材料比較多啲啫。食材其實都可以按自己喜好嚟落。

Dry aged 21天既肉眼&西冷

偶然網上發現有間幾出名既店舖有得買dry aged 既牛扒。第一次趕唔切訂就無哂貨，終於係一個多月後再翻貨，即刻落單。老公鍾意食西冷，所以買西冷俾佢。

香滑薯蓉焗田螺

薯蓉焗田螺係我由細到大都好鍾意食既小食，但出街食永遠當頭盤，普通餐廳得細細份已經收$60 ~ 70。
有次家姐俾左一袋田螺俾我，即刻上網搵吓點樣可以整到好味道薯蓉。搵左幾個食譜，再加入老公喜愛既蒜鹽，最終變成以下食譜。

除塵蟎機

家中有養兩隻狗狗，所以一直都想買部除塵蟎機，但香港普通一部都千六蚊左右。又一直無詳細研究原理同埋有無效。
有次無意之中，見到其中一個谷有人淘了一部嚟用，真係吸到嘢出嚟，本身都諗住淘返一部，但會淘部好少少的。

依張係谷友提供的相片

De Buyer 開鍋篇

其實年初已經想買這個pan，但令我停步的就是開鍋這問題，因為平常用既鍋都只係清洗吓就可以直接使用，但是De Buyer 因為於出產時要保護鍋面，所以加上一層腊於表面。要經過三燒三潤才可以正式使用及變成一個不黏鍋。

De Buyer 雖然無精美包裝盒作包裝，但係使用紙袋作為包裝，令佢更加吸引。

六月份敗家編

其實六月份買左同收左都唔少嘢，衫就無謂講喇，因為公司近香工（成衣批發中心），所以收工行入去行吓都好容易有收穫。
網購家品仍然是我最愛，上網買嘢真係太方便喇。所以近依兩年都主要靠代購幫手買心頭好。全部以 Le Creuset 為主，但今次仲買入一件個個都話讚既Pan，就係De Buyer 喇。

今次終於等到合理價錢購入依支cassis spatulas。賣主仲要嚟到我公司樓下同我交收，真方便。

另外，就係狠左好耐既cassis fafa pot。

同埋另一個品牌De Buyer 28cm pan。本來都想買 24cm，但好多人話入左 24cm 後覺得細，所以轉想買28cm。就係咁，我就直接買 28cm，但 28cm 比 24cm 重幾多吓。返嚟都磅過個pan，有成差不多 5磅，俾老公話我買乜嘢都咁重。但De Buyer 係純天然物料，唔怕會有有毒物質釋放出嚟。

Beauty Box by NOOS – 六月份盒子

6月份beauty box 皇牌產品 Bioderma Matricium® 注活細胞能量昇華水 1ml x 15 支
(即係同今年1月份既內容係一樣) 

產品介紹：
- 細胞外基質天然元素 ( 專利配方)
- 100% 與皮膚產生生物相容性，極易被皮膚細胞直接吸收，快速發揮功效。
- 為皮膚細胞直接補充營養，維持細胞健康。
- 激活膠原蛋白，彈力纖維及細胞外基質 (ECM)的再生，提升皮膚的緊緻及彈性。
- 不含防腐劑，香料，酒精及色素。

產品成份：
63種全屬自然存在於皮膚中，亦是細胞外基質(Extra Cellular Matrix) 的組成物質

使用說明：
早晚使用，塗於潔淨面上。
脆弱，受損皮膚每天早，晚使用。

合適膚質：
任何皮膚，特別適合於進行醫學美容療程前後使用，如激光，換膚或磨皮療程等。