香滑薯蓉焗田螺

薯蓉焗田螺係我由細到大都好鍾意食既小食，但出街食永遠當頭盤，普通餐廳得細細份已經收$60 ~ 70。
有次家姐俾左一袋田螺俾我，即刻上網搵吓點樣可以整到好味道薯蓉。搵左幾個食譜，再加入老公喜愛既蒜鹽，最終變成以下食譜。

薯蓉焗田螺（現成田螺）：

薯蓉做法：　
將薯仔切細件放入煲內加水煮淋。然後用义壓爛，再以篩壓成細滑既薯蓉。
加入暖鮮奶及牛油加入薯蓉中攪均。
（份量好隨意，無特別量，本來都覺得自已落得太多奶，但啲薯蓉又吸得哂。）
之後再加入蒜鹽，份量都係按個人喜好。但如果本身田螺係現成已經調味的，就不要加太多蒜鹽，以避免過喊。
放入焗盤，放上田螺。加上少許麵包糠於面。放入焗爐焗至表面金黃即可以。