Panash Bakery & Cafe

有一日突然抽起修根，好想去High Tea，就螺老公同我去咖啡弄。點知辦完正經事已經五點幾，都諗緊可能要排隊喇，本來都唔想去，但老公見我咁想食，就陪我去睇下，點知未見舖已經見到條龍尾，都有成10幾20人排緊隊呀，所以決定唔食。

點知游游盪盪中，老公發現Panash，咁就走左入去，老公叫左個香辣蜆肉意粉餐 + 芒果冰。我就叫左個雪糕吐司 + ice mocha。

老公個餐有餐湯，麵包，意粉，飲品就唔太記得係咪包埋喇。

我的小小collection

由第一個staub煲開始，中毒只有11個月，都未夠一年，已經買到以下咁，相對其它人嚟講，可能我唔算多。但其實都打算收手喇。因為真係無位放喇。仲要有幾樣嘢仲係人地度，未拎返嚟屋企。
等第時真係有個大廚房或者有個玻璃櫃可以放佢地時，到時至再買啦。（其實如果有靚色，都會再買既）

早排有一晚心血來潮，就搵哂啲LC 同Staub 出嚟合照。其實唔算多，但兩個人用就真係多左少少。仲要有啲係唔記得拎出嚟。

護髮膜 + 髮尾油

後生時啲髮質好好，但一直無珍惜，仲成日走去電同埋染髮。最勁一次係兩個月內染左三次，就係依次之後，髮質已經改變左，以前即使染完，仍然好順滑，但依次之後，染完都會打結。要密密做焗油保養至得。到最後，可免既都唔會再染頭髮。依家仲要成日用焗油嚟當護髮素咁用。

近期好鍾意上網睇網上賣韓國護膚品既網站，佢地介紹左兩款護髮用品，又咁啱做promote。護髮膜 + 髮尾油，兩樣加埋都係HKD138.00。佢地介紹得好吸引，所以就買左依兩樣返嚟試。

韓式炸雞

之前迷上睇星星，連老公都知炸雞+啤酒。
不過由於唔知韓式炸雞好唔好食，所以一直都無叫過老公陪我去食。直接前日見朋友去左荃灣食韓式炸雞，老公主動話同我去食，試新嘢，我最鍾意。
老公一早睇左個位置，我只係知道近悅來酒店嗰邊，泊好架車，搵左一陣就見到。間舖本身只做外賣，但都有兩張接枱，可以堂食，一場嚟到，梗係堂食啦，雖然落緊雨，但因為間店舖上面有條橋，所以都唔怕，可以放心坐低慢慢食。不過如果介意坐係街邊食嘢，就建議外賣喇。

老實講，舖內可以選擇既食品唔算多，間舖開左幾耐，我都唔知。所以可能新開，未有太多食品卦。
由於我地只有兩個人，而且特別係為左炸雞而嚟既，所以就先試朋友推介既辣味炸雞半隻 - $69。我地坐低後，佢地好貼心地提供濕紙巾，及前菜，估唔到外賣店也提供前菜，前菜有：菜絲 + 沙律醬 及腌蘿蔔。
由於係落order 至即整，所以都要等10~15分鐘。不過佢地安了部電視，不停播放K-pop。所以都唔覺得等得太耐。

我好鍾意食依個辣味炸雞，好好味，可能有辣醬包住啲雞，我食得非常之干淨。所有炸皮都食哂。而且，佢地炸得好干身，唔會覺得油淋淋。平時食KFC，皮同肉之間會有一層油，但依度唔會。好好食。