第一次自拍婚照

今日係 I DO 影完相. 梗係唔好嘥左個妝. 同男走去自拍婚照啦.
因為自拍婚照, 對我嚟講set 頭係最困難 .

 

I DO

由於酒樓送左張Coupon . 咁梗係咪蝕嚟影吓啦.
由於約時間時我選擇影紅葉, 所以要12月至可以影(其實我9月中已經book 喇) .

今朝食完早餐, 九點要入到西貢 I do 既花園. 由於我地嚟早左少少. 所以等左一陣至有職員返.
咁佢地先俾相薄我睇選婚紗. 唔算太多款.可能太多唔係我鍾意既嘢. 所以好快選左三套. 之後再由三套選兩套.

今日較少新人, 計埋我地只有兩pair . 所以都好方便.

跟住就化妝. 個妝我覺得濃左少少. 髮型, 因為我駁左髮. 所以佢都要就一就. 但我同男友都好滿意髮型 .

選衫, 我試三件, 已經可以即時選其中兩件嚟影. 嗰位職員即場幫手收緊條裙. 即使係我咁粗魯 , 影相期間條裙都無鬆過. 好勁.

其實依度都好多點影, 主要係影花, 草. 湖依d . 我地仲可以影到薰依草tim .

但攝影師全部相要求我地勁笑, 係, 係要勁笑, 笑少d 都唔得, 會要求我地笑勁d . 我同男友都唔係太想笑得太多.

影相期間, 化妝時都會出嚟睇下我地需唔需要補妝.

換第二條裙後, 開始有d 覺得攰. 同有d 凍. 但我地選擇一氣過影哂. 大家早d 收工. 而另一pair 係我地換妝期間就中場休息午飯中.

我地大概2點多影完走, 跟住就同我家人下午茶.

其實咁樣影相, 都覺得幾攰. 可能太早起身.

Unique Momento Photography

其實都唔想太早決定, 但問過幾位攝影師都無我地期之後, 真係唔到我地再慢慢嚟.

依排係咁不停睇攝影師d 相 , 好多好靚. 但我鍾意嗰d 都好貴. 一般都兩萬幾, 有d 兩萬幾都未包video . 真係唔捨得.

無意中係fb 旁邊廣告中發現Unique Momento Photography . d 相顏色調得幾特別. 相片亦唔比出名嗰d 差. 再同男友比較過後. 決定約攝影師 - Phil Tsang 出嚟傾吓.

其實相我地都覺得無乜問題. 出嚟主要係想睇吓佢地same day d 片.

佢俾左兩款我地睇, 第一款佢話依家較多攝影師會用既. 就係用返佢d 相片嚟造一條片. 其實我聽完都會諗, 會唔會好悶架. 感覺好似麻麻地咁. 但睇過佢條片後, 覺得好鍾意呀, 睇上去好Grand.

之後再睇返以有聲片段整成既片, 係熱鬧d , 但有得比較之後, 會覺得依d 較嘈, 好似鍾意相整既片多d .

但我地主要請親戚 , 如果老人家, 可以會覺得有聲會熱鬧d 喎. 如果依款片就要加$500. 不過唔係多, 所以選邊款我男友都話無所謂.

跟住就傾價錢喇. 因為我提早一年book . 係今年12月底前book 都有9折. 加same day 片後, 折埋太概萬頭.  點知我問佢加same day 片係咪都係有9折時, 佢話如果我地依家book , 會送埋.

嘩...... 咁咪好抵. 其實我地約得佢出嚟, 都預左Confirm 佢, 見比預算再平左千幾, 立即confirm 啦. 依家總數唔洗9k 就有2P1V . 原來仲有1A tim 呀. join 真係覺得好抵. 又搞掂一樣嘢, 明天可以開心咁去影pre-wedding lu.

之後同男友傾開, 我成日覺得Phil 好似一個人.  我男友即刻答我, 咪似我表弟囉. 佢一嚟到我已經覺得好似喇. 連d 小動作都好似.

其實我都唔識得讀攝影師個名, 只好開口問佢點讀. (費時big day 嗰日都唔知點讀la ) . 原來讀音同我男友英文名FILL 係同一讀音. 咁好易記啦.



依個係佢既網址.

https://www.facebook.com/UniqueMomentoPhotography/info

ENVi Bridal

由於想有得比較. 所以約左連續兩日試衫.

今日只有男友陪我去試衫, 依間係觀塘工廠大廈內, 出lift 後行左一個圈至搵到.

依度預約左, 可以任試一小時, 同可以影相tim 呀.

 先由ipad 選款. 但有d 款想試. 佢地又話著出嚟會好似大肚, 問我係咪真係想試. 如果係, 要去第二層度攞. 咁你咁問得, 都知你唔想攞. 咁無所謂, 試其它囉.

依度好多顏色選擇 . 但如果想要d 簡單d , 清d 既款就較難選擇 . 大部分都超多石. 仲要係好大粒嗰d. 唔多啱我.

老闆娘 (我後嚟至佢係老闆娘,仲要係大肚中). 佢可能見我都唔係揀到好多款. 都有介紹幾款問我鍾唔鍾意. 但都好colorful 同跨張.

最後都搵左d 簡單少少既款嚟試. 其中佢地有我之前有諗過搵舖頭做既旗袍款晚裝, 即刻要試啦. 但著完出嚟, 我覺得自己似酒樓資客多d .旗袍款唔多啱我.

依度試完衫出嚟有迷李台仔, 可以俾你著住裙同鞋(佢地有鞋提供埋) 俾你試行, 感受下著住裙行路既感覺 , 依樣幾好. 因為行過之後, 至發現我著住條裙同鞋後, 會好容易"click"到. big day 時係咁多人面前仆低就失禮la.

其實晚裝唔多啱我, 我只有一件婚紗係滿意既.

但佢地d 優惠package 只有一款. 依家做緊$3,xxx/7件. 但我唔會著咁多件. 而且依家搞左差唔多成個鐘至試啱一條婚紗. 點confirm 呀??

咁問老闆娘, 有無其它package 可以選擇 . 佢係話: 咁就得意喇. 如果要其它package , 就只有$4,xxx/2件(好似係) .

佢依句"咁就得意喇" . 令我印象好深刻 .  

而且佢地要求人地即場confirm , 如果唔係唔會再做你生意咁. 每人只有一次合作機會.
咁其實點解唔可以提供其它package 俾人呢?? 有d 人真係需要時間諗既. 你咪提供多 d 唔同既package 俾返轉頭既客做選擇囉.你嗰d 超抵package 咪留俾d 第一次即confirm 既客囉.

因為真係唔多啱 , 所以閃人啦 , 無謂嘥大家時間. 我地仲著緊鞋時, 佢已經好快關上門. 俾我地感覺好無禮貌 .

老實講, 佢地優惠價真係好抵. 咁抵我會介紹朋友嚟試. 我唔啱款啫.實有其它人啱. 但佢地既態度. 真係......

Moreno Bridal

其實真係無諗過咁快去試衫, 因為怕太早選擇定左. 條裙係一年後已經殘哂.

但係係fb 廣告無意中發現依間舖後, 覺得佢d 衫好靚. 特別係粉紅色嗰條. 真係好鍾意.  所以終於忍唔住約左嚟試衫.
上去前都問過package 價錢. $5,800/一婚紗一晚裝. 其實覺得貴架. 不過本身都諗住唔會換得多衫. 經多次自我催眠後, 都覺得價錢可以接受既.

當日陪同試衫既有男友, 家姐同埋伴娘. 舖頭係係中環商住大廈內. 講真大廈有少少殘. 不過唔緊要, 最重要d 衫靚啫.
由於前一位booking 提早完成. 所以通知我地可以提早少少上去.
因為突然間通知. 所以家姐同伴娘之後至趕到嚟.

間舖裝修以白色同簡單為主, 舖頭唔大, 衫款亦比想像中少. 可能新開啦. 11月至開架咋. 但d 衫就保証好新.

上到去, 佢地俾部ipad 我地睇相. 其實都唔洗點睇, 因為依排日日同伴娘都研究佢地d 靚衫. 所以好快已經決定會試邊三件. (因為fb 話限試三件)

由於家姐佢地未到, 想等埋佢地至試. 但佢地又叫我邊試邊等. 所以我著住以下打橫張相依件婚紗著得比較耐少少. 因為要等埋佢地上嚟睇我試著後俾意見我.  依件好啱身, 完全唔洗改寬窄. 但長度就..... 長左d , 因為我較細粒.
依件係老闆娘叫我試架. 著完出嚟好修身. 好容易將d 肉推到胸前. 可能用料靚都有關係.

同埋原來佢地間舖d 衫全部係內有多層裙紗的, 即係唔需要再用裙撐, 咁著出嚟自然好多. 好鍾意. ( 因為第一次試衫, 所以第一次聽有內裙紗, 以前一直以為鬆起d 款都一定要用裙撐 )

我原先想試既三款都唔多襯我. 反而老闆娘介紹既就著得好睇 , 好彩有佢地介紹.

佢地俾我試左好多條, 我估都試左八~九件左右. 雖然佢地唔算多衫款. 但我都可以係依八件裡面選到三至四件係鍾意既. 可能佢d裙cutting 好. 好易著得好睇.
反而之前睇中既粉紅色裙無想像中咁靚, 可能條裙真身既色係dull 少少. 所以無咁靚. 但都試左. 因為.... 我係為左佢而嚟嘛.

不過我鍾意既款有幾條要加錢upgrade . 每條加$2,000/條. 如果我選兩條都要upgrade $2k 既. 咁咪即係$10K租兩件. 嘩.... OVER 哂喎.

但如果揀唔洗Upgrade 既款, 婚紗同晚裝都好似. 好煩惱呢.

一個星期內confirm 有85折. 諗清楚先.

依件好啱身, 直頭洗改. 就咁可以拉上拉鍊.

依件好似係同有牌子既婚紗差唔多款, 好鍾意紗既拖尾

依件係老闆娘介紹. 本身都唔係太接受到大紅色. 但著出嚟又ok wor. 同埋會著得好瘦.

就係為左依條粉紅色晚裝, 所以提早試衫.