團購快圖美曬相 vs Artscow 印相

由於媽咪成日提我要曬返當日結婚既相俾佢啲朋友。所以見到依個團購都即刻留意吓。

$25可以買到$50面值既現金劵，即係半價，好似幾抵喎。但係有效期至2013年3月31日。我都未知幾時攞到相。搞到我都唔知買唔買好。

咁順手睇下快圖美曬相要幾錢：
3R - $1.60/張
4R - $1.80/張

當半價計算，即係唔洗$1.00/張。但唔可以揀絨面。
同埋經朋友提醒，出面曬相店。好多時曬相都會送大相。


係我十五十六之際，我發現原來Artscow送左好多coupon 俾我，印相只需要俾運費。以印4R來計。印100張既相，運費係US$5.99 (HK$46.722 )，即係平均每張只需要HK$0.47/張。仲平過出去印。但就煩啲，因為每個月只送100張4R + 50張5R。如果咁印，又唔想另外俾印相費 (因為每個月都有送印相coupon)，可能有排至曬齊。同埋唔知Artscow印相效果係點。


http://www.groupon.hk/deals/hongkong/Fotomax/716786956?nlp=&CID=HK_CRM_1_0_0_57&a=715827895

Makeup Secreat - Carie Lam

商戶評分
最高為5 分 -
******************************
商戶: Makeup Secreat - Carie Lam
評戶:  5分 (最高5分)
*******************************

今日收到Carie send 返俾我當日造型既相。依家睇返都好滿意，特別係敬酒個頭，非常滿意呀。
由於我要就返註冊時間，所以5:30已經要開始化妝。本身諗住有兩個助手化5個姊妹，助手6:30到應該都OK。但Carie係婚前開會時話幫我問下兩位助手肯唔肯再早到半小時，但只係計提早1小時既OT，最後佢地都肯呀，咁化妝時間會更充足，真係唔該哂Carie。（7:30am前到要計O.T + 的士費）

跪墊 , 紅傘 ( SOLD )

如有興趣, 請留言, 兩天不回覆當放棄. 物品只HOLD三天.
物品於地鐵站內交收. 荔枝角站至尖沙咀站.

跪墊 (厚身版) + 紅傘= $35.00 ( SOLD )

簽名布

由於我地pre-wedding 相係自己影，所以簽名布就要自己搞埋。
自己搞，當然又搵萬能既淘寶啦。
我地圍數唔多，所以老公話唔洗太大張。同埋都覺得婚後唔會拎出嚟睇，只係自在有張嘢俾人簽名，所以都好是但搵，見依間平平地就揀佢。
我地揀左 40 x 120cm = RMB26.00，依間公司包設的，但我地只係落我地自己既Logo，唔會落樣，所以老公搞掂個稿俾佢就直接send 俾佢地印。但好奇怪，JPG file 佢地開唔到（因為佢開唔到，我地曾經搵過另一間，但另一間都開唔到），但將個file 轉左做PNG，佢地就開到喇喎。
佢地都好快，三日左右已經可以發貨。
包裝都好安全，有厚圓筒 + 好多層既包裝。但開哂包裝後，個簽名布係無一個包裝盒俾你的。
收到貨品，覺得好似細張左少少。之前問過朋友話 40 x 120cm 好大張，朋友出去影相公司送嗰啲都無咁大張。老公話還掂咁平，一係再印多一張，但我又覺得好無謂，所以是但，收埋佢等big day 用喇。
質料我覺得一般，但因為平時去飲都無特別留意人地啲簽名布，所以無得比較。
布邊會有啲散口情況，但唔算嚴重。

價錢：RMB26.00
運費：RMB13.00 (送到國內集運處)

http://item.taobao.com/item.htm?id=9848548281

不停咁睇

由於結婚當日既相要等兩個月至有。所以係新年前終於忍唔住問阿Phil 攞當日same day條片。

老公每次見我睇返當日既相同片就會問我，乜你睇唔嫌既咩？？

因為我成日不停咁睇。播俾親戚朋友睇，我又走嚟一齊睇，平日自己係屋企，又得閒開嚟睇。

以下依啲相，係由same day 啲相中cap 出嚟，所以唔太清晰。

嫁妝

其實一直同老公都只係想家人開心食餐飯，所以一直都叫佢地不要特登去買金器或任何首飾。
出嫁當日有無金器，係多係少我都覺得問題不大，最重要係大家過得開心。特別係依家金價咁貴，真係唔想為左嗰一日，而要佢地特登為我破費。

媽咪係我2011年10月，即係我地決定結婚無耐，已經買左隻我覺得好貴既鑽石戒指俾我，因為媽咪覺得金器平日無乜機會會帶出街。但係鑽戒就平日都可以帶。但我平日都唔太鍾意帶戒指，依家仲要買咁大隻同咁貴，所以都曾經叫佢唔好買。但佢唔理我，因為佢覺得保值。

一直認為隻戒指已經係我既嫁妝。但爸爸突然係我婚前一個星期走左去買條頸鏈俾我。佢話突然諗起著褂無頸鏈會唔好睇喎。我真係有啲俾佢地激暈。

但點都好，我都好愛我家人。

花女裙 - confirmed

本來諗住花女裙都係淘寶。因為以為香港點都貴。但經其它B2B介紹之下，竟然搵到平嘢。真係要多謝咁多位。

婚前一個月左右至帶姪女去買花女裙。
因為怕太早買，佢仲會高，所以唔敢太早去買。

因為之前自己分別去過深水埗同佐敦度睇過下。大概知道價錢同款式。

所以當日就先到深水埗買外套。依度係以套裝出售。外套＋連身裙(普通出街款)都係$110左右。
花女裙都有，但款式較少。每檔只有一，兩款。所以裙就唔係深水埗度買喇。

然後就到佐敦寶靈商場對出既檔口度買裙仔。依檔較平。其它檔口都要二佰尾至三佰頭。
依檔$150既款都有。
姪女自已揀裙。佢見度條條都話靚。所以最後我抽左幾條出嚟俾佢揀。佢一睇就即揀依條。可能其它全部都純白色。而依條有啲紫色及裙腳有啲花瓣。特別啲。

問左sales幾錢同有無新既。價錢$250，搵左一輪話無新，只淨返依一條，由另一位sales 話浄返一條，佢自動減價，一減就減$100，即係$150。比原先平咁多，而姪女又鍾意，更係無所謂啦。但感覺依度價錢都幾浮動。但點浮動都好，價錢都係平既。