最高為5 分 -
******************************
商戶: Makeup Secreat - Carie Lam
評戶:
5分 (最高5分)*******************************
今日收到Carie send 返俾我當日造型既相。依家睇返都好滿意，特別係敬酒個頭，非常滿意呀。
由於我要就返註冊時間，所以5:30已經要開始化妝。本身諗住有兩個助手化5個姊妹，助手6:30到應該都OK。但Carie係婚前開會時話幫我問下兩位助手肯唔肯再早到半小時，但只係計提早1小時既OT，最後佢地都肯呀，咁化妝時間會更充足，真係唔該哂Carie。（7:30am前到要計O.T + 的士費）
Carie當日好準時到達，唔係佢到左，我仲瞓緊。見佢到左，我就加快沖涼既時間，出嚟已經擺好檔，可以即刻開始化妝。
當日Carie係適當既時間就會出現幫我補妝，所有既髮型都係我想要既嘢。
由於當日到達伯大尼原定時間遲左差唔多40分鐘。講真，當時都幾亂，又想睇下班姊妹搞唔搞得掂啲嘢，但Carie捉我返入去補妝，叫我放心交俾佢地搞，只要做個靚新娘，同我傾下其它嘢令我放鬆返。
Carie好快手幫我補好妝，同加埋頭紗。本來我諗住係原路出返去。好彩Carie之前嚟過，佢話我知有個後門可以行返出外面再行返入前門。咁佢就陪我快手快腳咁行左出去準備March in。
晚上去到酒樓，幾次換衫Carie一定比我早到達新娘房準備幫我轉妝。由於時間都好趕下，Carie每次都好好幫我換埋衫，佢幫我換一定快手過姊妹幫我換，咁可以快啲出去，佢真係好好。
頭飾，頸鏈及手鏈。當日所帶既飾物都係Carie借俾我，佢啲款會比唯美嗰啲好，亦較新。本來諗住送客用返唯美套頸鏈，咁我可以唔洗第二日突登去還飾物俾Carie。但Carie見到唯美套頸鏈都即刻話，都係用返我嗰套啦。唔係話唯美嗰套舊，而係太成熟，太誇張。
最後因為趕住出去送客，搞到唔記得好好多謝Carie同埋同佢影返張合照。
裙掛造型
好鐘意依個中式頭飾，係Carie自製架。本身唔太鍾意用頭飾，但依款睇相時已經好鍾意。
註冊造型
迎賓造型
晚上March in 造型
敬酒造型
右邊張相，係我結婚後無意中係網上見到覺得好靚，仲send 左俾我將會結婚既朋友睇佢啱唔啱。但我後期係我親友post 既相中發現原來Carie幫我整既敬酒頭同依個頭有八九成似。真係好鍾意。
當晚Carie有講過我知個髮型後面好靚，因為敬酒周圍走，多數人會睇到個髮型後面。
送客造型
依張Snap 係Carrie 影架，我表情好搞笑，我好鍾意張相呀。
http://blog.yahoo.com/makeupsecret/articles/668345/index
敬酒造型 果個頭真係幾靚幾別致~^^
回覆刪除[版主回覆02/26/2013 09:35:52]係呀 , 真係好鍾意呀.
^^我反而最鍾意你march in個造型...靚靚!!
回覆刪除[版主回覆02/27/2013 10:05:26]其實幾個造型我都好鍾意呀.
佢整D髮型好特別呀！
回覆刪除[版主回覆02/27/2013 13:48:40]
迎賓同敬酒嘅造型都好靚呀~~~
回覆刪除[版主回覆02/28/2013 09:56:08]多謝呀 .
March in好靚
回覆刪除其他都襯你
[版主回覆02/28/2013 09:56:50]多謝呀 .
carie ok ma..????
回覆刪除你係化高清妆ma??
i also join her..but afraid she cannot meet my requirement
i ask if i can try one more time make up again before big day...she said no..how about u
[版主回覆08/30/2013 13:39:01]咁你可以將你擔心既嘢講佢知. 睇下佢點幫你諗辦法.
以我為例, 我有好嚴重高低眉, 都同carrie 講過, 所以佢會用多啲時間幫我搞條眉, 同埋係髮型設計上, 盡可能做到無咁覺眼.
你6月時試妝?? 咁你婚期係邊個月??
如果6,7月試妝, 會唔會天氣太熱, 所以容易溶.
我1月結婚, carrie 都會留意我有無溶妝.
[Manyi回覆08/30/2013 11:10:16]我book jor carie 喇..因我酒樓都係今年6月到先confirm．所以咩都好趕急．
同埋好多好野都會俾人 ｈｏｌｄ左了
其實我都有睇過ｃａｒｉｅ化其他新娘big day既相．都係ｌｉｋｅ先選佢
但我又問我自己咩叫新娘裝．．同平時有冇分別ｌｅ．．
因果次下午試完妝１１點幾番到家．．．．眼妝都ｍｅｌｔ左好多
所以我好驚當日會唔會溶得咁勁
其實果時我都有再仔細睇個妝．．．始終眼肚位都未完全ｃｏｖｅｒ
有可能太大個同勁黑的眼圈．．．．
佢係我第一個試妝ｍｕａ．．我諗都冇諗過再試其他的就ｊｏｉｎ 佢
所以而家又係好迷茫，．．唔知點好．．．
[版主回覆08/30/2013 10:02:01]其實你book 左carrie 未??
我join 左後, 都曾經迷茫過, 因為見其它jm 寫試妝過程寫得好詳細, 例如底妝貼唔貼, 化成點, 寫到好多嘢出嚟. 搞到我都有懷疑過自己係咪揀得好求其.
但諗深一層, 由於我唔識化妝, 所以只係睇出嚟效果, 再睇返carrie化其他新娘big day既相, 真係我想要既嘢, 所以我就無再諗, 專心搞其它嘢.
carrie 知我鍾意清, 清到可能上鏡唔好睇, 所以會盡量就住我嚟化. 又由於有某些髮型我係最後傾造形時講過唔想要既, 佢都會記住, 係big day 嗰日為我設計其它款式.
其實婚前見面嗰次, 最重要係俾佢知你喜好邊類妝同髮型. 而我對化妝無乜研究, 所以只係講清, 唔要超誇張大眼, 要認到自己既, 髮型有邊幾款接受唔到, 唔鍾意, 其它就放手俾carrie搞, 無問過佢會幫我點樣整, 到big day當日整好哂至睇到個造型.
carrie 自己個blog 都係我婚後, 由我表妹send 返俾我, 因為佢下年結婚, 覺得carrie 化得好, 所以問我攞資料, 我之前只係睇化妝學校既相.
其實好似唔多化妝師會有final trial , 可能我少睇, 無留意.
[Manyi回覆08/29/2013 16:08:27]toby.
都唔知係唔係緊張得制呀...
睇佢dd相...同other mua比較．．．我同我個ｆｄ係ｌｉｋｅ 佢．
咁我本身都唔係想化誇張的妝
果次我ｗａｔａｐｐ佢．．問佢仲有冇得試妝．．佢話冇．．．
佢話只會０係ｂｉｇ ｄａｙ 前一個月再約出來傾咩造形，，，
因我個ｆｄ ｊｏｉｎ第二間有得ｆｉｎａｌ ｔｒｉａｌ．
所以我有少少驚．．．
[版主回覆08/28/2013 01:33:21]carie 我好滿意呀.
我唔係化高清妝. 普通既啫. (我big day後至知佢有高清, 不過我唔知有乜分別).
其實你有乜要求?? 你不如諗清楚自己要求, 再睇返佢化既妝, 再自已衡量啱唔啱自己, 我自己都睇左大半年, 又搵家姐幫眼睇佢啲相至決定去試妝, 我自己本身要求要簡單, 要清, 要自然, 咁carie 都係化開依啲. 所以我信佢meet到我要求. 當然, 你要誇張啲既, 佢都化得到. 最重要你講到你要求俾carie 知.
我只係試左一次妝咋 (就係join嗰次) , 跟住就係婚前太約一星期再上佢地公司試造型同埋決定飾物. 依次無得試妝的.