Le Creuset Family sales - day 2 - 22-Sept-2013

今朝起身，見人於group中講，今朝無乜人，又提早十點鐘開倉，只係同老公講一講，老公已經即刻話依家陪我過去，好開心，即刻沖涼換衫。

朝早10：55到達，大概等左一個鐘左右已經入到去。最開心係買到380喇。
可能今日預計會打風，所以唔算多人，而且我今日都算早，所以好多Stonewear買。


就係為左依個380所以今日再嚟多一次。一入場本來都係度睇有乜stonewear，攞左一，兩件，突然醒起老公話入場即刻先問人搵左個380先，因為老公唔想再嚟喇。

問左兩個職員，都話今朝得兩個，但我已經係第五，六批入去，所以都應該無喇。係我失望過去搵tagine之際，突然見架底有個長方盒，價錢係$400，即刻兩眼發光，打開嚟睇，真係佢呀，check都無check即刻放入袋內，跟住就好開心去揀stonewear喇。

點解我會咁恨依隻380，因為佢可以入焗爐，可以上爐火（即係可以煎，炒），可以做無水蒸。粗用都好抵用。所以就算我焗爐唔夠寬都照買。

Rectangular Oven Dish 30cm - $400

  

Le Creuset Family sales - day 1 - 21-Sept-2013

今朝起身見啲JM話零晨四, 五點已經去排隊，又排到鬼死咁遠，都諗住唔去喇，因為應該入唔到去。但係老公知我好想去，所以主動話過去睇吓，去左入到既就照入，入唔到咪去Sogo度睇吓，因為Sogo都有少部份煲跟開倉價一樣，所以就坐巴士出發喇。

過到去太約 17:40左右，酒店職員已經走嚟同我地隊尾既人講唔好再排喇，因為樓下都有佰幾二佰人排緊，而開倉18:30截人，7點鐘收，所以我地應該入唔到去。其實都諗過係咪要走，但見條隊真係唔算多人，本來老公都話一係下星期平日過嚟幫我買，但見我想繼排，所以就陪我排。好彩無信酒店職員走左咋，因為我地 17:55已經成功排到入酒店地庫內喇。太概18:30左右已經正式入到場內，可能之前入既人都買得七七八八，而且又無re-fill 物品，所以我地之後可能入得快啲。

今日我地入去算晏，所以真係唔多嘢揀，已經無哂我最想要既380，所以就幫我細佬女友揀喇。

真係無乜嘢我啱，我最後只揀到隻杯，原先以為係$140，返到屋企睇返張單至知係$110。我鍾意既磨沙紫色呀。

廣式蛋王白蓮蓉月餅

依下依個食譜係由group中一位jm教我架。
仲去埋佢介紹既榮發度買蓮蓉，真係唔錯，唔會太甜。

月餅皮: 太約可以做20個50G既細月餅

低根麵粉 225G

花生油46G

轉化糖漿150G (可以於榮發買到，或可以用金獅糖漿.)

梘水 2G

做法:

四樣野, MIX成團, 包好, 放入雪櫃幾小時後才用.

咸蛋王, 打爛只取王, (全程不可用水洗, 或掂倒水), 用手去蛋白, 跟住將王放入碗. 倒入玫瑰露浸王一會, 王用手去左王上的白衣或膜. 乾淨便可以切半或原粒備用.

63G模, 37G蓮蓉包實半王, 皮18G, LOOK薄包住蓮蓉, 手粉要用高粉, 模都晒滿高粉, 再倒出, 放入團. 壓實, 月餅便可以吸出焗爐上.

廣式皮越薄越好
預熱 200爐, 轉180度中架, 放入焗8分見到面有金黃色 (拎出來掃2層薄蛋汁) <又或且 200度焗5分, 拎出掃蛋汁, 轉番170度焗10-12分>
蛋汁比例, 一隻蛋, 去20G蛋白唔要, 再加入10G水, 打散, 作掃蛋汁用

蛋汁唔可以掃太厚, 最好用羊毛掃, 太厚, 字會化晒.

掃完蛋汁, 再入番焗爐, 轉 17度 10-12分, 中架或中下架

焗好拎出放涼, 放入密實盒, 室溫回油4-5天後才食. 因為要等回油, 月餅變軟及令D好油水D, 食會更好味. 因出爐係好硬. 所以要等回油.

蓮蓉 :
地址:九龍大角咀利得街14號地下 電話:23910046 

酥皮奶皇月食譜

經過多翻試驗網上既食譜，最後都係用以下依個。
而做法則參照幾個唔同既jm意見後，得出以下。

月餅皮材料 : 可做16個
1. 低筋麵粉 252g
2. 砂糖 67g
3 .全蛋 22g
4. 有鹽牛油130g
5. 淡忌廉 25g
6. 吉士粉 17g

終於收爐喇 ~~

突然接到mammy order要增加月餅數量，所以噙日收工即刻去買料，食完飯即刻整奶黃，因為要雪凍至可以用。
因為要雪，所以先瞓一陣，半夜三點幾四點至爬起身入模焗，好彩瞓前準備埋個皮，如果唔係一定唔夠時間。
我最後由四點開始整到八點幾至完成。仲要趕住返工。
臨出門口前數過，噙晚共焗左46個。整個中秋焗既總數量已經過佰個喇。終於可以收爐休息吓。

令人氣結的Yahoo blog

突然宣布話停既yahoo blog 已經令人要搬家已經覺得煩。
見其它blog 友都成功搬家，我都諗住可以放心去搬。
點知整左幾次都唔成功，以為公司電腦有問題，所以再返家再試，都仲係唔得。
搞到自己都懷疑自己係咁真係咁電腦白痴。
連老公都睇唔過眼要出手幫忙，咁至發現原來yahoo備份時俾漏左幾個file我，唔怪得知我搵嚟搵去都無其他人講既file啦。
send email俾yahoo，等左大半日，都係覆返網上既回覆，要再叫佢地check返我既備份，佢地至再重新幫我再備份多一次。
我仲要將原先係新blog度打左一,兩篇新blog detete左，至可以搬舊post過嚟，真係玩C我。

Le Creuset Family Sale

等左咁耐，終於有Le Creuset 開倉既消息喇。真係開心C我。

但老公問我仲有乜嘢想買時，我都諗，其實真係無乜，所以係咪真係走去排幾個鐘頭隊？？

決定搬新家了.

見好多blog 友都轉用blogspots. 所以都跟大隊.
希望咁多位blog 友係新blog 再會啦.

http://tobytse8.blogspot.hk/

第一次試造奶黃月餅

經過兩日嚟既試驗，終於造到一啲見得吓人既月餅喇。要造得靚真係有啲難道，我要再繼續努力。