韓食家

自從上個月去過海港城食左一餐韓餐Lunch之後，依排成日掛住佢個燉薯仔，又想再食佢個冷麵。
星期日又突然抽起條根，但又唔想去咁遠，所以去完醫院睇完婆婆後，就去附近間韓食家度食晚飯。
睇哂全個menu都無冷麵，反而見到韓國電視節目啲人都會食既炸醬麵，所以就叫左一個炸醬麵，另外又叫左個香辣雞肉年糕麵。

我個人比較鍾意炸醬麵，如果再甜多少少就仲好。但老公就覺得兩個都麻麻地。

12週年禮物

唔經唔覺原來同老公已經拍左拖12年喇。佢成日都話俾哂啲青春俾我。
之前都提過，我對過時過節無乜大要求。只要係埋一齊就得。估唔到原來老公一早已經準備左禮物俾我，好似依個仲要係香港特別版，佢都要叫佢表姐幫手至買到。
尺寸比預計中大盒。真係好靚呀，好得意。好似仲話已經賣哂喇。

賣雞蛋仔米奇

補祝拍拖週年紀念

點解要補祝 ??
唔係我地唔記得，而係正日當日收工時，突然收到消息，婆婆係屋企跌到，撞到塊面，所以即刻去急症室搵佢。
由見醫生到上病房都搞左幾個鐘，成十點幾至返屋企。

所以就係第二日就煮返個龍蝦伊麵俾老公食。

完美剝雞蛋殼方法

之前整溫泉蛋或者其它雞蛋時，每次要剝雞蛋殼時都會將隻蛋剝到體無完膚，相當醜樣。
早排係網上睇到一個方法，原來啲雞蛋煲熟後，繼續放於煲內水中，待水溫回暖才剝雞蛋殼至會唔會痴實蛋白。
依兩次煲腐竹糖水都用依個方法嚟剝雞蛋殼，真係唔再痴實，終於有可以見人既靚仔原隻雞蛋喇。

**我之前每次都非常心急，煲滾無耐就放係水喉下面，沖住水嚟剝殼。

檸檬雞翼 - Fm Gigi姐

之前見咁多谷友都有跟Gigi姐整檸檬雞翼，所以又好奇地跟嚟整下。
不過見谷友話先腌左啲雞翼會好食啲，所以我啲雞翼係先腌左先。

食譜來自Gigi 姐 (黃淑儀)
食材：
雞中翼    3磅 (解凍，洗乾淨)
檸檬        1個 ( 約切8片)
薑            8片 (連皮)

Amethyst Flower Cocotte 新啞紫色花花煲

Le Creuset 又出左新既紫色喇。今次叫Amethyst，係一個啞紫色。
啱啱仲要推出依個新顏色既花花煲，睇上去無LM既紫色咁靚。但依家美國做緊Promote只係USD200.00咋。真係一個心動價錢，香港代購運埋返嚟都係HKD2,100.00，真係想買埋返嚟，但我已有一LM花花煲，而且仲要未開，又講過話會收手，所以一直唔敢出手要買。
不過唔出手最主要原因係未見過依個新顏色真身。唔知點解，官網上張相好深色，深色到完全無興趣，但其它人見過真身，影出嚟張相又完全兩回事喎。

由ebay賣家提供既相片 

蠔仔肉碎粥

平時去食潮州菜都會鍾意食蠔仔粥 (但平時我唔多鍾意食蠔架)。
有次無意中見人話可以自製蠔仔粥，所以就不停上網搵食譜，由於有啲嘢自己唔食，又懶得周圍搵，所以集左幾個食譜得出以下製法，老公食過兩次都讚，味道同出街食差唔多，但啲人教落雞湯，落左係好味，但食完都幾口喝。

材料：
新鮮蠔仔      半斤
豬肉碎          約半斤
雞湯              500ML
水                  約500ML
芫茜              一小束
蔥                  一束
冬菜              少許 (按個人喜好, 老公鍾意食, 所以我落多少少)
白飯              3 ~ 4碗