補祝拍拖週年紀念

點解要補祝 ??
唔係我地唔記得，而係正日當日收工時，突然收到消息，婆婆係屋企跌到，撞到塊面，所以即刻去急症室搵佢。
由見醫生到上病房都搞左幾個鐘，成十點幾至返屋企。

所以就係第二日就煮返個龍蝦伊麵俾老公食。

其實對於我未煮過既嘢，老公都好有保留。所以係煎龍蝦開始，佢已經入嚟睇實。但就係佢越睇我就越亂，搞到老抽當生抽咁落，但好彩最後出嚟味道都唔錯。得到老公既讚賞。

食譜係甜琛廚房嚟整。好簡單易明，而且大部份材料屋企都有。http://sweetheartkitchen.com/recipes/lobster-noodle/

龍蝦我係759度買，我特價時買，因為未食過，所以只係買左一隻。

原本都只係擔心隻龍蝦有無味道，同埋有無肉。估唔到隻蝦比預期大隻外，仲要有蝦子同膏。所以已經打算再等特價再買多兩隻。下次整俾屋企人食。