王婕妤律師 - Confirmed

朋友好努力咁上網搵律師, 搵到一位$2,500 /全包既律師, 佢就係王婕妤律師  ( Pauline Wong )

係e-mail 傾好哂d 嘢, 因為我地想見一見位律師, 所以今日同男友收工後就出王律師係旺角朗豪坊既office 度順手俾埋錢.

王律師提供介子枕, 羽毛筆依D 配件. 咁我地又慳返唔洗買.


其實王律師係我男友老友上年結婚時用過, 我男友初時都想搵返佢, 但因為佢老友係經伊甸園既, 如果我地JOIN 伊甸園要指定律師, 好似要加$500 呢. 咁依家就perfect 喇. 仲平過伊甸園. 又搵到男友想搵既律師.

徐志剛律師

身邊有幾位朋友都結婚, 咁一齊搵律師啦.

之前朋友見徐律師上年價錢係$1,999 + 305 . 咁就問吓啦.

嘩.... 覆左返嚟, 依家要$2,999 + 305 . 其實比我原先想搵既伊甸園嗰d 都算平. 但只係大半年時間貴左成千.

而我地又有成四pair 要搵律師, 所以都試下問下, 如果四pair 一齊confirm , 可唔可以做返$1,999 + 305.

過兩日至得到回覆. 唔得囉....  咁見佢依排d comment 又話佢成日遲到. 咁再搵下先.

我們的結婚公仔

男友可能知我想搵史力加同費安娜公主做花車公仔. 所以先下手為強地送左依對Monchhichi 結婚公仔做情人節禮物la .
咁樣又順手搞掂埋花車公仔喇.

繽紛樂

家姐噙日同我入完婚紗展後, 對依個產品真係好有興趣. 所以佢今日再入場confirm 左. 用嚟做送俾我地既結婚禮物.

依個產品係俾來賓影相或拍片道賀架. 其實幾得意. 不過我唔想佢嘥錢, 而自已亦唔想嘥錢, 所以噙日阻止佢買. 但佢今日竟然突登再去嚟落訂金.

我家人真係好錫我.

其實我用電話影低左條片, 但唔知點整上嚟, 所以只可以俾條link 大家睇.


http://www.youtube.com/watch?v=NKLPXX0f0Q4

再戰婚紗展

今日入嚟主要係睇婚紗, 晚裝.

經過上兩次試衫之後, 我發覺晚裝仲難搵過婚紗. 所以見又有婚展. 就叫家姐同伴娘陪我入嚟依個集中地搵衫喇.

較有印象只有兩間, 希臘女神同唯美主義.

希臘女神坐得最耐, 家姐幫手講價講到$9,088/9件. 但因為未試過衫, 所以真係唔想係婚紗即場confirm.

跟住行過唯美主義, 有一件婚紗幾靚. 因為佢掛係旁邊. 初時無人理我地點, 俾我偷影到前面. 但想影埋背後時已經有人走出嚟囉. 依期係胡定欣做代言人. 登箱中, 胡小姐著住一件灰色好靚呢 (初時以為係深啡色, 男友好鍾意啡色) . 但諗諗下, 男家父母未必喜歡這顏色喎. 所以閃人.

返到屋企就更係上網再睇下兩間comment同佢地website 有乜款啦.



以下兩款係係會場影到既相.


依件係唯美主美義. 現場睇靚d, 條尾係lace , 但影唔到.

依條係希臘女神既婚紗, 條拖尾好靚, 行伯大尼啱哂.

Cana Cheng & Anthony Lam

等左大半年. 終於等到可以book 伯大尼, 而且仲confirm 埋 , 咁係時候搵律師喇.

本來對律師無乜要求 . 但同朋友食飯時, 佢地話見過d 律師講嘢唔掂, 漏口乜都有. 咁依part 又唔可以求其啦. 

有朋友介紹, 話做兄弟時見有一個律師幾好. 幫我問朋友係邊位, 我再自行聯絡. 佢就係 Cana Cheng. 

Lunch time 打去有秘書聽, 話轉頭Cana 老公Anthony 會覆我地. 吓..... Anthony ?? 咁問佢係咪Anthony Lam. 佢話係....... 佢好似唔平架喎.

林律師好快覆電話返嚟, 好有效率 , 但價錢就....... 好貴呀, 要成$6,000 . 

自問唔係富有人家, 唔洗搵咁貴啦. 

不過佢真係好有效率 , 轉過頭已經send 埋e-mail 俾我地喇. 有哂詳細資料. 

我們的証書套

由於好鍾意"盟"的証書套, 但又唔捨得俾咁貴出去整, 所以只好發揮有限既DIY嚟自製証書套.

為左慳錢, 連我地個名同日期都係自己繡. 不過之後至發現西九龍中心有一檔車仔檔繡花只需要約$60~80.... 早之自己依個都諗出去繡啦. 仲以為好貴tim.

伯大尼

Yeah..... 由開始決定結婚已經想係度註冊 . 今日收工時終於收到電話話我得左喇. 超開心呀.

其實之前都打定輸數book 唔到. 因為好多人都話好難book. 同埋我只有1-3點依個時間啱我. 所以都預左未必book 到.
但好彩有好多朋友幫手一齊打, 1月31日晚, 步入2月1日. 半夜12點正已經有朋友話打通左. 但因為唔知道係點計, 所以繼續打, 再有朋友話12點01分都打通左. 我地都有少少意外. 咁快搞掂. 但之後我都係唔放心. 半夜2點多再試一次, 通左又留一次言先.

等左兩日. 一直好擔心呢. 估唔到佢地係我準備收工時間, 六點至打嚟confirm 呀. 跟住好開心咁同屋企人一齊晚飯 lu. Yeah.