下午Tea @ Olive Cafe

上星前為左去睇蒸爐真身，所以捉左老公入大埔一田睇示範。
行街前當然醫左個肚先啦。附近有間Cafe，環境好似唔錯就走左入去喇。
老公為左我，突登揀左英式下午茶同我一齊食。
不過其實佢唔太鍾意食甜嘢，真係為左滿足我至揀依個set。

Handybio 導出導入機

早幾年未有太多導入導出機時，只有兩三款可以選擇。
當年依啲機未係太普及，所以係緊有幾款中，選擇了Handybio。
因為當時我較多暗瘡及暗粒，見網上有用依啲機既人都話Handybio 對暗瘡較有效。所以選擇了它。

當時係到佐敦專門店選購，店員會先了解我既皮膚，再拎了一套產品出嚟給我現場試用。由洗面，如何使用部機，手勢，力度都好有心機咁教。
未決定買機，已經完成了一整套完整既導入導出程序。
店員也不太Hard sell，只是依我當時情況，介紹我買入導出，及配了兩支對付暗瘡及去印既精華。

好記得，第一次係店內完成第一次導出時，棉花也是白雪雪的。這應該是由於皮膚底層既污糟物仍未能由皮膚底層導出嚟。但過左兩三次之後，棉花既顏色污糟到令自己都不能相信。

用左依部機，面色無咁黃。
但依家已經出左好多不同牌子既導入導出機，評價也很好。
最重要係可以用回平常使用既護膚品，不用特別買回專用精華素。可以慳返好多呀。
所以老公都有提議過買過一部新既俾我。但又覺得依部好用，同埋會嘥左依部，所以一直未有再買另一個牌子。

自家撈擔擔麵

點解會叫自家撈 ?? 而唔係自家制??
因為真係用現成嘢撈出嚟。
網上見有人教用辛辣麵＋花生醬＝擔擔麵。
咁啱兩樣嘢都有，所以.............. 我又有樣學樣試吓喇。
老公已經慣左我成日唔知整啲乜嘢出嚟，阻都阻唔到我，所以佢都唔多理我。
因為我好鍾意食花生醬，平時出去食擔擔麵都覺得出面唔夠麻醬味，所以我今次自己落了一大匙。
撈完出嚟都有八九成試擔擔麵，仲即刻介紹俾細佬叫佢試吓。
不過可能太貪心落多左花生醬，所以較傑身同有啲漏。下次都係唔好落咁多。

名家韓國餐廳 Myung Ga Korean Restaruant

同家人一齊到銅鑼灣世貿- 名家度食韓國菜。
依間都好似幾出名，要訂位。由韓國人主理，連帶位，侍應也是韓國人。
環境不錯，落地玻璃窗可以望到海境。
不過掛住食，只係記得影部份食物相片，食食吓都唔記得要影相囉。
同埋因為自己懶，唔係即刻update 個blog，食左乜嘢都唔記得，所以都介紹唔到 lu。
只係記得食品不錯。

misto 噴油壺

為左部AirFryer，突登買左個噴油壺，因為可以用少啲油，又可以做到氣炸效果。
買前都做過吓功課，大部人都讚misto 噴出嚟較霧同埋用得耐啲。
因為好多差不多價錢，好快會因為油塞了噴咀。
但misto 是由美國出，所以都要搵代購幫手，好彩依個牌子多人用，所以經常有代購有現貨。
我依個買得唔算平，都要 HK$160.00，買後見過有其它代購賣HK$130 ~ $160 都有。所以唔急用既話，可以慢慢揀。

Gemini Air Fryer

之前一直都想買部Air Fryer，但價錢唔平同埋廚房無位放，所以一直都無行動，直至維他出左個promote，買滿維他任何產品$50，就可以以優惠價HK$549換購Gemini Air Fryer，依個優惠都出左一段日子我都無行動，但見網上換左既人評價都不錯，所以係優惠完前2日至走去換。

但因為我既後知後覺，所以無現貨，由五月底訂，要等到八月頭至有貨可以攞。

第一轉就試炸fish finger，因為完全無做功課，完全唔知要炸幾耐，都係是但扭個溫度同時間就掉入去炸，得閒拎出嚟睇吓得唔得，唔得又再掉返入去再炸多一陣。
出嚟效果都唔錯，幾滿意。無換錯依個爐。

自家制月餅

早排又忙於自制奶王月餅送給親友，一到假日真係忙到不得了，差不到整天也要留首守於廚房中。
雖然辛苦，但見到親友食得開心，乜都值得。
今年又整左過佰過月餅，但都只係得十幾盒咋。

今年仲特別訂制左 "謝" , "林" 及 "T&F" 模片，用自己名既月餅送人，特別開心。