曬陳皮

噙晚終於去買左果皮嚟曬喇。
其實上年睇電視見人地曬，已經好想曬。但我唔係好陳皮個味，真係可以話係c food 痕。就係因為依個原因，老公都唔太贊成我曬，話幾年之後又攞嚟掉，製造垃圾，所以我都唔敢提出去果欄買一箱嚟曬。

之前係街市見過啲檔口有一兜兜既果皮買，諗住去買嗰啲返嚟再自己串。點之想去買時又唔見有，原來佢地已經串起哂，等人可以一串串咁買。

我最後買左兩串，本來$80/串，我依個師奶仔緊係講吓價啦，最後$155/2串成交。
一串俾自己，用嚟紀念我地今年結婚，三十年後既結婚紀念日，我就有30年既果皮喇。
另一串係送俾我好朋友既，因為佢今年生左個小女兒，用嚟送俾佢既。到佢大個結婚時，咁就有陳年果皮做嫁妝喇。

因為係第一年曬，所以係咁問事頭婆曬果皮既嘢，佢話今年曬完就可以收入罐，用鐵罐好過玻璃瓶，因為玻璃瓶可能俾陽光曬到無咁好，用鐵罐好啲，咁就可以一直收係罐內唔需要再拎出嚟再曬，亦唔需要加入炒過既白米入去吸濕。同我上網見人教，頭兩，三年都要拎出嚟曬吓吹吓風有啲分別。
最後事頭婆仲拎左罐佢係2008年曬既陳皮俾我睇，即係已經曬左5年，一打開個蓋，真係超香呀。希望我嗰啲都有咁香啦。

依張相我係生果檔度買時影，佢係用"權"字既新會柑整架。其實係咪 "權"我唔知有乜分別，但人地話依隻係好嘢。

突然的特價通知

今朝無端端至出通知做特價，其實好鍾意佢地既花花盅。但又諗唔到可以用嚟做乜。

以下9 sets嘢，最吸引我都係中環旗艦店既set 1，同埋TST既 set 3。

.

終於成功整到煲仔飯喇

前兩日同老公諗煮乜嘢時，提過想再次挑戰整煲仔飯，因為上次失敗左，太濕，太多餸，所以要翻煲。

依排天氣涼左，最啱食煲仔飯，噙日佢同我去街市時，係賣腐竹間舖有好似唔錯既咸魚賣，所以就鎖定整乜嘢煲仔飯都好，都係會落咸魚。買完後，老公打開個膠袋，係咁不停話好香。我都嗅左一嘢，個味真係好香好濃，$10有一片咸香既咸魚，好抵。

因為上次太大煲，所以今次煮少啲，用左一嘜半米。米同水既比例係1:1。

肉餅先醃，而米亦都有加少少油嚟浸米。

米同水放入煲後蓋好煲蓋，用中大火煲太約兩分鐘。打開蓋搞下啲米，以防痴底。再蓋上煲蓋再煮兩分鐘，就會出現以下魚眼效果。

第一次用STAUB嚟煲腐竹糖水

依排天氣好干，所以就想煲返啲嘢俾老公飲等佢潤下，本來諗住再煲雪梨雪耳糖水，但佢話想飲腐竹糖水，所以就一齊落街買材料。

今次係第一次用Staub嚟煲腐竹糖水，以前煲依款糖水，每次滾後都要打開少少煲蓋。但依家完全唔需要，水滾後轉做最少火蓋實煲蓋由佢自己煲，真係唔會滾瀉出嚟，咁我就去整其它嘢。

大概大半個鐘已經變成我最愛既全白色效果。真係比用普通煲快好多。因為平時用返大火嚟煲都要差唔多一個鐘，又因為要開少少蓋，又會少左啲水份。但依家無乜點少水。大愛呀。
（不過成品唔記得影相）

依張係用細火煲既相，完全睇唔出原來裡面係滾緊。因為無煙流出嚟。

New Baby Set from Japan

好得意呀。特別係對熊仔碟真係好得意呀。

提子干莎莉蛋糕

老公好鍾意食莎莉蛋糕，特別係提子味，但係搵左幾次都唔再見有得買，咁啱係光波爐Group度見到有人教整，所以就試整俾老公食吓。

焗完整個廚房都好香蛋糕味，不過老公覺得雪冰後硬左少少，下次試下落多少少泡打粉睇吓會唔會好啲。

金桶牛油 122g
糖霜 80g
鹽 1/4茶匙
雞蛋 2隻
低筋麵粉 100g
泡打粉 1/4茶匙
奶 16g 

提子干  1小盒

用具：
6吋長方型模，開動打蛋器(最好)

做法：
1. 牛油加糖霜和鹽打成奶白色；
2. 分2次加入已打散雞蛋打勻；
3. 分2次篩入低筋麵和泡打粉打勻，最後加入牛奶打滑；
4. 光波爐預熱5分鐘，粉漿倒入模半滿及掃平頂部，以180度低架焗35-40分鐘，若焗到15分鐘仍未見中間爆開，可在蛋糕中間位割一刀。

（食譜來自Joyce 網頁）

渴望已久的Lilac Mist Fafa pot

無意中發現網上有人放我恨左好耐既Lilac Mist 花花煲，真係開心死我呀。
但係見到個價錢，真係諗左一陣，但都知道如果長時間諗就一定無左，所以先hold 左先。
但最後都係真係好鍾意，一句千金難買心頭好，已經代表哂我既心情。

約左第二日交收。完全無諗過自己可以擁有佢。
佢係我第一個 Le Creuset既煲，我相信都會係唯一一個，因為我已經買夠喇。要收手喇。