第一次用STAUB嚟煲腐竹糖水

依排天氣好干，所以就想煲返啲嘢俾老公飲等佢潤下，本來諗住再煲雪梨雪耳糖水，但佢話想飲腐竹糖水，所以就一齊落街買材料。

今次係第一次用Staub嚟煲腐竹糖水，以前煲依款糖水，每次滾後都要打開少少煲蓋。但依家完全唔需要，水滾後轉做最少火蓋實煲蓋由佢自己煲，真係唔會滾瀉出嚟，咁我就去整其它嘢。

大概大半個鐘已經變成我最愛既全白色效果。真係比用普通煲快好多。因為平時用返大火嚟煲都要差唔多一個鐘，又因為要開少少蓋，又會少左啲水份。但依家無乜點少水。大愛呀。
（不過成品唔記得影相）

依張係用細火煲既相，完全睇唔出原來裡面係滾緊。因為無煙流出嚟。

 煲左10分鐘左右已經變成咁既效果喇。