Hello Kitty Pan

Yeah... 終於都到手喇，Kitty pan真身真係超靚，好似話係北海道人手造架。

其實上個月見代購係日本已經想買，但覺得計埋運費太貴，所以忍手，因為家姐經常去日本，等機會叫佢幫手買。

2014年情人節

其實依家我對節日無乜特別感覺，唔一定要求要有禮物或者出去食一餐飯。
但點都要過下二人世界，所以本來早一日已經係Aeon買定和牛扒諗住情人節自己整嚟食。（因為唔想出街同人迫，又要趕住交枱俾人）。
但係買完嘢至記得情人節當天家人由台灣旅遊回港，老公要去接機，及和家人講好一同食晚飯。所以啲扒就順延一天至煎嚟食喇。
但係最估唔到，老公係出發到機場前，靜悄悄地走左去TST LC counter度買禮物俾我。
呵呵呵，係呀，我又有禮物呀，仲要係近期大愛既LC，老公見我近排鍾意飲朱古力奶，天氣又凍，所以買左依套set俾我沖朱古力奶嚟飲。

無聊中環半天遊 - 2014年2月5日

由於公司會多放幾天新年假期，所以有一日無無聊聊就去左中環既蓮香樓度飲茶。

鹽燒牛油蟹腳

之前網上見Candice整蟹腳食，好似好好味咁。


咁啱屋企附近開左間新既759，正價有七折。見到有蟹腳買，即刻立左一pack，放係冰箱隨時侯命。
新年放假流流長，其中一晚整鬼左嚟食。

Android Smart TV Box

原先已經有一部小米子盒，但見爸爸係屋企悶，所以拎左過去俾佢試用，諗住佢啱用我地就再自己再買一盒新既。
點知爸爸行街見有新電視機盒，對新款又有興趣，咁啱我地又要買，所以新年前就一齊過黃金度買。
今次唔係買小米子盒，係買左Android smart TV box。其實兩者我都唔知有乜分別，可以睇到就得喇。
Android依部就有四核，快好多，但當然要配合埋寬頻啦。 爸爸家既寬頻唔多好，收得仲衰過部小米。但我家用新依部完全無問題，好快，睇戲又順。仲試埋睇現場直翻既足球，都無問題，但如果係大賽太多人睇就唔知喇。不過對我地都無影響，因為我地唔睇足球。
板面就比小米複雜一啲，爸爸都唔係太習慣，但Android依部機既板面可以再自己調整，老公就將個板面盡量簡單化，然後再同爸爸嗰部交換，等佢容易啲用。

總括嚟講，部機都算方便好用。特別係依家電視無嘢好睇。最啱開依部機嚟睇戲，煲劇。

爸爸60歲大壽 - 2014年1月24日

爸爸生日喺係星期五，為左佢生日當然請半日假啦。
一收工即會合佢地一齊去飲茶。然後就去九龍城富豪酒店攞房（俾大陸親友住），搞checkin都用左唔少時間。因為佢地搞得好慢。然後就即刻再過酒樓，放低我爸，媽同埋搬埋部份酒到酒樓。
我同細佬就再要入粉嶺拎蛋糕，講真，我係真係唔認得啲路，之前幾次都係老公車我入嚟，不過好彩依家上網搵道路都好方便啦。
我地成四點至入到餅店，真係好心急想睇下個蛋糕，未入餅店已經先到廚窗度睇下個蛋糕先，真係超滿意呀。
五磅蛋糕，再加上個高身紙盒，都幾重幾難拎，好彩細佬架車停得唔遠，我走出商場佢已經發現我，已經自動過嚟接受拎上車。