Hello Kitty Pan

Yeah... 終於都到手喇，Kitty pan真身真係超靚，好似話係北海道人手造架。

其實上個月見代購係日本已經想買，但覺得計埋運費太貴，所以忍手，因為家姐經常去日本，等機會叫佢幫手買。

上星期得知本月尾佢會去大板，所以俾張相佢睇下，佢話應該北海道至有，咁啱有朋友過左去，所以叫左佢朋友幫我買，上星期五，係呀，情人節 - 2月14日當日通知我已經買到。真係開心死我，仲諗住叫老公俾錢，叫佢當情人節禮物送俾我。

因為係朋友幫手買，比代購平一半呀。依家只係HKD600 (大尺寸)。
不過舊鐵餅都幾重吓，應該差唔多成7磅。
（之前未知買唔買到時，都後悔無叫代購幫手買。）


小尺寸: 3,900YEN  ; 代購賣 HKD850  /  大尺寸: 6,800YEN ; 代購賣HK1150

噙晚拆開包裝，至發現原來舊鐵餅係2009年，Kitty 35週年時出既。今年已經係40週年啦，所以舊嘢原來係五年前既產品，不過對我無影響，因為真係太靚喇。
我既入廚用品，又增添一位靚靚成員喇。