韓劇 {來自星星的你}

已經好耐無追劇喇，不過見依套個個都讚好睇，咁啱又撞正要上廣州去飲，所以即刻Download哂落部pad度帶去坐車時慢慢，好彩做左依個決定，因為屋企人選擇坐巴士上去，每程三小時，來回即係六個鐘呀，仲有晚上係酒店既時間，如果無左星星，時間真係幾難過。



依套真係幾好睇，雖然現實生活無外星人做鄰居（可能有都唔知），但每睇完一集真係不期然想追埋下一集，所以搞到我每晚都睇到成二，三點至肯瞓。由星期六開始睇，星期二晚已經睇哂21集+網上結局 (依個結局電視好似無播啦)。

噙晚終於過返正常生活，可能幾晚唔夠瞓，噙晚十點左右已經開始眼瞓，可能年紀大喇，依家真係唔崖得夜喇。

其實依套劇可以提醒大家要珍惜現在，對方係你身邊唔係必然既事。好慶幸我身邊有一個珍惜我既老公， 大家都時時想痴實對方，而佢照顧我既程度絶對唔比都教授差。但當然我老公無超能力同唔係大富豪啦。

以下是第21集未公開導演版結局，大家記得睇埋佢呀。

http://www.bliss-travel.com.hk/ch/player.php?code=26