無哂斑斑喇

Yeah ...... 無哂斑斑喇.

其實依個星期每次洗完臉之後, 都覺得d 焦會少左d . 今朝沖完涼小心咁睇, 最後既焦都無埋喇. 真係超開心呢.

係咁不停叫我男友睇吓, 又問佢係咪唔同左.

其實近依兩日都有朋友發覺我少左d 斑, 同白淨左. 佢地話都好明顯...... 唔通激光facial 真係咁勁??

面上少左d 斑, 真係覺得個樣會同以前唔同左d . 少左好多粒瑕疵. 即係少左好多臉上缺點嘛 .

激光去斑

噙晚收到朋友查問, 問可唔可以明天6點半出到TST . 因為識人新入行, 所以要搵人做白老鼠做facial . 有免費facial 又唔洗自己約. ok la
( 因為自己做開facial 嗰間頗難約, 而且每次都係咁sell買嘢,好煩.  所以好耐無出去做facial , 只係在家用手提導出/導入機自由做, 慳返好多時間嘛)

去到至知間嘢係專做激光既. facial 係用機做既, 會美白, 收細毛孔, 又幫我將面毛打白. 又幫我去埋唇毛 .

之後在旁既導師 , 問我有無興趣去埋面上雀斑. 
嘩..... 更係有啦. 其實之前都想做, 有朋友介紹有間好平既. 但男友怕危險 , 而我又唔算太多, 所以唔俾我做. 
但依間嘢專業, 又唔洗錢. 所以唔理喇, 做埋. 

過程唔算痛, 但會feel 到強光, 好自然會用力皺眉 , 可能我又緊張啦. 

激光去省斑依Part 係由導師示範 , 所以我都無理 / 擔心會唔會出現問題. d 斑斑做左激光後會結焦, 比之前深色左. 但佢地話一星期時間d 焦就會脫哂. 

返到屋企至同男友講話做左激光. 睇佢個樣都擔心有無問題架. 因為佢見到面上d 焦比之前d 斑深色左 (睇上去好似嚴重左咁) .  但佢見我咁開心. 佢都無乜嘢好講喇. 

好期待脫焦呢.