之前見咁多谷友都有跟Gigi姐整檸檬雞翼,所以又好奇地跟嚟整下。
不過見谷友話先腌左啲雞翼會好食啲,所以我啲雞翼係先腌左先。
食譜來自Gigi 姐 (黃淑儀)
食材:
雞中翼 3磅 (解凍,洗乾淨)
檸檬 1個 ( 約切8片)
薑 8片 (連皮)
調味料:
老抽 2湯匙
生抽 2湯匙
蠔油 2湯匙
片糖 2塊
1. 用2湯匙油爆香薑片,下雞翼同爆炒。
2. 檸檬片及調味料同時入煱內,猛火燜至汁液濃稠即可。
由於我只係整左十幾隻,同怕太甜,所以我只係落左1塊片糖。
同埋用生抽,糖等腌左啲雞翼先。
真係唔需要加水,因為檸檬會出水,所以我煲左一陣再睇,水份比原先多了。
等我又試下先 :)
回覆刪除快啲試啦。依家真係易整。酸酸地,夏天幾啱食。
刪除我之前試過, 酸酸甜甜好味道~~~
回覆刪除依個幾好食呀。又快搞掂。
刪除