由於我地pre-wedding 相係自己影，所以簽名布就要自己搞埋。
自己搞，當然又搵萬能既淘寶啦。
我地圍數唔多，所以老公話唔洗太大張。同埋都覺得婚後唔會拎出嚟睇，只係自在有張嘢俾人簽名，所以都好是但搵，見依間平平地就揀佢。
我地揀左 40 x 120cm = RMB26.00，依間公司包設的，但我地只係落我地自己既Logo，唔會落樣，所以老公搞掂個稿俾佢就直接send 俾佢地印。但好奇怪，JPG file 佢地開唔到（因為佢開唔到，我地曾經搵過另一間，但另一間都開唔到），但將個file 轉左做PNG，佢地就開到喇喎。
佢地都好快，三日左右已經可以發貨。
包裝都好安全，有厚圓筒 + 好多層既包裝。但開哂包裝後，個簽名布係無一個包裝盒俾你的。
收到貨品，覺得好似細張左少少。之前問過朋友話 40 x 120cm 好大張，朋友出去影相公司送嗰啲都無咁大張。老公話還掂咁平，一係再印多一張，但我又覺得好無謂，所以是但，收埋佢等big day 用喇。
質料我覺得一般，但因為平時去飲都無特別留意人地啲簽名布，所以無得比較。
布邊會有啲散口情況，但唔算嚴重。
價錢：RMB26.00
運費：RMB13.00 (送到國內集運處)
簽名布之後一定唔會拎返出嚟，真係人有我有就算，呢張又平又靚！
回覆刪除[版主回覆02/27/2013 13:50:40]HAHA.... 我婚後墊嘢時, 拎左出嚟睇一睇, 跟住就收埋左喇. 跟住都唔知幾時會再拎出嚟.