花女裙 - confirmed

本來諗住花女裙都係淘寶。因為以為香港點都貴。但經其它B2B介紹之下，竟然搵到平嘢。真係要多謝咁多位。

婚前一個月左右至帶姪女去買花女裙。
因為怕太早買，佢仲會高，所以唔敢太早去買。

因為之前自己分別去過深水埗同佐敦度睇過下。大概知道價錢同款式。

所以當日就先到深水埗買外套。依度係以套裝出售。外套＋連身裙(普通出街款)都係$110左右。
花女裙都有，但款式較少。每檔只有一，兩款。所以裙就唔係深水埗度買喇。

然後就到佐敦寶靈商場對出既檔口度買裙仔。依檔較平。其它檔口都要二佰尾至三佰頭。
依檔$150既款都有。
姪女自已揀裙。佢見度條條都話靚。所以最後我抽左幾條出嚟俾佢揀。佢一睇就即揀依條。可能其它全部都純白色。而依條有啲紫色及裙腳有啲花瓣。特別啲。

問左sales幾錢同有無新既。價錢$250，搵左一輪話無新，只淨返依一條，由另一位sales 話浄返一條，佢自動減價，一減就減$100，即係$150。比原先平咁多，而姪女又鍾意，更係無所謂啦。但感覺依度價錢都幾浮動。但點浮動都好，價錢都係平既。

花女裙就係係寶靈商場對出依檔度買架喇。