除塵蟎機

家中有養兩隻狗狗，所以一直都想買部除塵蟎機，但香港普通一部都千六蚊左右。又一直無詳細研究原理同埋有無效。
有次無意之中，見到其中一個谷有人淘了一部嚟用，真係吸到嘢出嚟，本身都諗住淘返一部，但會淘部好少少的。

依張係谷友提供的相片

點知第二朝有JM 開團，仲要好有效率同店主傾好 10部由人仔199，10份賣$150。點知越嚟越多人買，最後買成50幾部，攪手好有效率，講價亦好勁，最後只係人仔130/部（包國內郵）。我都幫朋友買左一部，計埋落嚟順豐運費都係大概HKD190/部。

拎左返嚟，更係即刻試用啦。

首先拎張用左一季既冬天被出嚟吸，都算幾多，因為只係是但吸左一個位置，仲要係是但吸。

冬天被

 原本諗住枕頭都會多，但又唔算多。

枕頭

 到床墊，都係用左半年左右。一邊上網慢慢俾佢吸，得閒至移一移位。

床墊

 估唔到床墊係重災區。多到仲有一細舊塵係盒內未拎出嚟。嚇死人。