六月份敗家編

其實六月份買左同收左都唔少嘢，衫就無謂講喇，因為公司近香工（成衣批發中心），所以收工行入去行吓都好容易有收穫。
網購家品仍然是我最愛，上網買嘢真係太方便喇。所以近依兩年都主要靠代購幫手買心頭好。全部以 Le Creuset 為主，但今次仲買入一件個個都話讚既Pan，就係De Buyer 喇。

今次終於等到合理價錢購入依支cassis spatulas。賣主仲要嚟到我公司樓下同我交收，真方便。

另外，就係狠左好耐既cassis fafa pot。

同埋另一個品牌De Buyer 28cm pan。本來都想買 24cm，但好多人話入左 24cm 後覺得細，所以轉想買28cm。就係咁，我就直接買 28cm，但 28cm 比 24cm 重幾多吓。返嚟都磅過個pan，有成差不多 5磅，俾老公話我買乜嘢都咁重。但De Buyer 係純天然物料，唔怕會有有毒物質釋放出嚟。

鐵塔手把真係好靚。

De Buyer上的 fafa pot。

 兩件貨用一個大紙箱，一早就送到公司，一早有件收，真係超開心。

用要包裝超級安全。

仲有去左公司附近意美廚度買左個鋼化鑄鋁單柄湯煲，相片由網上搵到，因為懶得自己影相喇。
但問過職員，依款肯定電磁爐度用到。
依款一體成型，底部厚度係煲身既兩倍，傳熱及儲熱能力更佳。
最重要佢係用環保不黏層，不含PFOA化學物質，可以確保健康安全咁使用。