2013年工展會

老公今日陪我去左行工展會，因為諗住會再同屋企人嚟行，所以都無乜買嘢，只係買左張地毯俾隻狗，佢成日瞓係我地房門等我地，地磚好凍，所以買張地毯放係房門俾佢瞓，佢好鬼鍾意張毯，成日自己走過去撻係度。
地毯啲毛好軟熟，我地揀中尺寸，都係$30/張。見隻狗咁鍾意，如果再去，都諗住買多兩張返嚟。

老公第一次行工展會，以為好細，一個鐘頭點都行完，入到去至知咁大，又咁多檔位，即刻轉口話可能要行成兩個鐘至行完。

行過孖人牌，當然又睇下Staub啦，但唔記得睇下骨剪價錢。
仲見到個牛牛煲tim，老公一直以為豬煲好似牛牛煲咁上下尺寸架。

行過德國寶，又睇下人地既示範，好多人走去試飲，我地怕肚痛，所以無試過任何嘢啦。

係德國寶睇下蒸爐，因為之前見人講過話工展會有部超平蒸爐，所以捉老公入去睇，老公本來都話想買，但睇真啲，原來$1,200係個built in 架咋，個爐要$4,150。

跟住又周圍留意海味店，因為家姐想係爸爸壽宴搞抽獎，送依啲海味做禮物。
安記見到厚冬菇都係$99/兩包，我好想買呀，但早排至買左兩包仲未開嚟食，所以忍住手唔買。