酵素+晚餐

見屋企仲有水果，又懶得切嚟食，所以用嚟整鬼埋水果酵素，因為飲左幾日，都覺得唔錯，所以應該會keep住整。

今次整左蘋果＋橙。因為見水果唔太多，又懶得用大樽，所以橙全部去皮及切到細細粒嚟入樽。但都要少少暴力至可以將全部材料迫哂入去。

今日媽咪俾左個西生菜我，其實老公唔太愛食西生菜啦，但一次半次，佢又ok既。諗左一陣，諗起之前一直想試整啫啫生菜煲，啱哂，因為老公鍾意食蝦醬。

本來老公話想食菜圃煎蛋，但買哂嘢返到樓下雜貨店問至知菜圃啱啱買哂。但又懶得再行，所以改為蒸水蛋就算。

今日仲煲埋湯，好似有成年無煲過湯喇。早排無端端連個湯殼都唔鬼見埋。

今晚餐飯，出動左三個煲嚟整，真係好耐無試過喇。

早排行街買左幾包湯包，要努力啲煲返多啲湯水喇。