忙碌的星期六

今朝一早起身同老公落街食早餐，跟住就去萬寧買日用品。等左兩星期，終於送啲有用啲既嘢。今次送米呀。仲要送左兩包呀。

買完嘢就返屋企整老公鍾意食既芒果布甸，幾年無整喇，成日都話整俾佢食都無整到。

下午就出尖沙咀度拎中藥，因為每晚要煲兩次藥每煲完一次，個藥煲響隻狗都狂吠，太煩，所以今次屈服，叫佢地幫我煲埋。
啲包裝好似血漿呀。

攞完藥就順便去埋附近新開既Le Creuset專門店度睇嘢。

然後就趕返過去美孚九華徑嗰邊既燒烤場，因為約左朋友今晚燒嘢食，我遲左一個半鐘呢。一邊燒一邊講笑，好快燒到12點人地收工。我地仲要趕尾班地鐵呢。