韓國版LM 花花煲

偶然既機會下，竟然可以得到韓國版既LM花花煲，開心C。

不過應承左老公，只係拎佢返嚟跟台灣版作對比，然後會二攞其一，另一個會放返出去。
佢地兩個一齊合照呀，兩個都好靚。

質量，其實台灣版較好，起碼較少黑點及沒有什麼氣孔。
但係韓版，蓋上有一個好明顯既氣孔同蓋邊有一點不平滑位。但係韓版有我喜愛既明顯的漸變顏色。
我那個台灣版沒有這麼明顯的漸變色呢，不是沒有漸變，而是較均勻地漸變。

為左個選擇其中一個，特別向對顏色較敏感既同事查問意見，本來一心以為佢會揀韓國版，點知佢竟然答台灣版顏色較靚，因為顏色較均勻地漸變；
而韓國版，佢反而覺得上色有少許失手，因為好似由淺突然變深，而唔係漸變。
佢咁既回覆，搞到我對住佢地兩隻嘢，左睇右睇，睇左大半個鐘都仲未做到決定。

最後，都係要問返老公意見，可能銀knok 影響，佢望一望已經答我留韓國版（其實我都偏向韓國版既）。

講真，煲身顏色絶對係台灣版靚仔啲，但由於每個LC 也是一個沙模出的，所以不容許我交換煲身。
為左要有個明顯漸變煲蓋既LM FAFA，只可以放棄近乎完美既台灣版。