大壹冰室－荃灣

噙朝過左荃灣豐澤，因為有Iphone 6可以取，但要親身到場至知有乜嘢機，我既target 係Iphone 6 plus，為左佢，所以又要走過去，11點半前已經到達荃灣廣場，因為如果晏左，停車場要排隊入，所以早啲好過。
不過好失望，因為只有Iphone 6，16g, 64g 及128g 都有貨，但無我最想要既plus。依家電話我放入手袋，已經好少袋入褲袋，所以都想要大部啲，睇得開心啲嘛。

既然無機，更係去醫肚啦，細佬介紹我地去食大壹冰室，佢話平時好多人排隊，所以我地就走去試吓。
可能我地都仲算係早，大約12點左右，所以都仲有幾枱吉枱，不用排隊。

每個餐都有餐包，餐湯 及餐飲。
羅宋湯唔錯。
但忌廉湯就無乜味。

我叫既係，好快已經有得食。味道都ok。但份量算細份，對我嚟講剛剛好，但如果以一個正常份量嚟講，應該好多人會唔夠飽。

我食完再要催促吓，老公份餐至出現。
有啲奇怪，佢地真係用打邊爐既肥牛鐵板上，仲要卷埋一舊，由於老公唔會食生牛，所以我都幫手將啲肥牛整開，用鐵板整返熟。

整體嚟講都唔錯，但如果要我排隊，我應該唔會揀佢。
我地食完大約過左 12點半，門口已經要開始排隊喇。