床上用品- 四季被, sinomax 竹碳床墊

噙日一次過去market place 度換張四季被及萬寧早前換既sinomax床墊。

四季被 All Seasons Duvet
其實早幾個星期已經有齊印花，但因為佢地所有店舖都唔多方便，所以一直遲遲未有去換。噙日撞啱要過美孚，所以就順手去埋換。
我今次換最大既尺寸- 加大Queen ( 200 x 210 cm )，要用400個印花就可以免費換到喇。
點解叫做四季被，因為佢係由兩張被組成，夏天可以用薄，春秋就用厚，冬天就可以將兩張被扣返埋一齊嚟用，所以全年都可以用到。
牌子係Roasenthal Bedlinen (其實我唔識佢)，睇包裝，張被係 made in Poland。
噙晚已經試用左，開住冷氣嚟蓋張薄被會有少少覺得熱，因為都幾保暖，依套被可以啱冬天用多啲。
如果你用既被袋係芯連芯嗰款，即係四個角有鈕扣可以扣住張被唔俾佢走位嗰啲，依張被都可以扣到。依家扣實左，就唔怕張被再周圍走喇。

SINOMAX竹碳床墊
早前加錢換既床墊，係上星期五終於收到電話通知話有貨喇。
拎左返嚟即刻加上原來床褥上，我地忍唔住即刻撻上床上，嘩，同之前比較相差好遠，軟好多呀。依張真係無換錯。