無咀貓之夜上場

早兩個星期五，約左另一位喜愛無咀貓既朋友一齊去食拉麵。
收工過到銅鑼灣都已經七點喇，之前聽人講都幾多人排隊，好似試過話要排成兩個鐘至入到舖，所以依度一直無叫過老公過嚟陪我食，如果最後只係因為得KITTY，而啲拉麵一啲都唔好食既話，一定俾老公話爆呀。所以依度最啱搵好姊妹一齊嚟啦。

我地約左係利園度等，跟住一齊行過去。本來都應該算好近既，但對於我地兩個路痴嚟講就有啲困難，我地兩條友都唔識睇地圖，開左Google 都搞唔清啲方向，所以都搵左一陣至到。

去到門口只係得三個人排隊，我已經大叫有望喇。因為一早講好，如果時間尚早，咁就掃埋去新開既kitty secset garden，排隊期間已經俾左份menu 我地揀嘢食。都算多款揀。無幾耐已經可以入去。
嘩....... 全間舖周圍都係kitty，如果唔鍾意佢既話真係會吃不消。

枱上既嘢大部份都係kitty

連筷子套都係kitty

牆上又有kitty掛畫

掛住影相，無幾耐我地既拉麵就已經到左。
第一眼當然俾紫菜上既kitty 吸引左啦。碗麵睇上去以為好細碗，但其實我地都食到飽左。

我地無咁勁連湯都飲埋，只係兩碗湯倒埋一齊，因為要影個碗底。但其實依個動作都係多餘既，因為我地兩個都買左依個拉麵碗，個碗只係$140，都算幾大個。但我買嚟送俾人既，因為我要留返啲quota 買LC 啦。