Our Memory: 2015 Le Creuset 秋之開倉 ( 10月3 ~ 5日)

又到每半年一次既LC 開倉。今次都係銅鑼灣富豪酒店。
但今年有啲唔同，就係vip 係10月3~5日，之後會再公開10月6~8日。
本來都無乜嘢想買，但點知佢又出紫色嘢。激氣，但見星期六網上既人排到咁癲，本來都半放棄，但見到佢地影出嚟既戰利品太靚，所以決定星期日入最尾嗰一場。
星期日同老公五點至出發過銅鑼灣，過到去都唔算人多，但都要係room 度等，等候期間老公已經問定我有啲乜嘢係上要，如果佢見到都可以幫我執落袋度先。

今次我睇中既全部都係hot items，仲要係今年場場都俾啲代購排頭位入去搶哂啲hot items，所以我入到場我好快已經好得閒，因為已經搵唔到想要既嘢，係度等排頭位既jm 掉返啲貨出嚟，執佢地死雞。但當然執唔到自己極想要既產品啦。
今年係我入過幾次買得最少嘢既一次，因為真係無嘢啱。今年我買左以下產品。

7" cereal bowl - hkd120.00，上年買左Levender，今年有 light purple，即刻買埋。

medium 心心碟 - hkd280/set，satin blue，顏色唔算鍾意，但只係同老公講得心碟入到蒸爐，所以佢即刻話買。

士多啤梨盅 - hkd180.00，其實比較鍾意藍梅，但我今場無藍梅，只有大量士多啤梨。

正方碟 - hkd190，satin blue

small dog bowl - hkd150.00

唔心息，最後10月7日再自己入多一場，當然老公唔想我自己入去，但當日佢有嘢做，我又堅持要入，所以當然我勝利啦。過到酒店太約18:45，要係酒店上面排一陣，好快就可以落下層，今次只係落一層直入會場，當時已經有一批人係入面揀緊，感覺都幾亂幾多人，今次好多crock，其它嘢都無乜嘢啱，所以轉去睇spatula，搵左好耐都搵唔到cassis color，除左另一位jm 手上兩支，最後佢放棄一支我至買到咋。

crock - hkd130.00，Light Purple．價錢好似比之前貴左。