超級驚喜 - KitchenAid

上網成日睇人整嘢食，好多時都會出現唔同既廚師機，其中一款受歡迎既牌子必定係KitchenAid，因為顏色靚同多。不過我一直都只係睇，雖然心思思都想買部廚師機，但因為廚房空間有限，同埋已經真係買左好多唔同既機，最重要我覺得自己唔會整麵包，所以廚師機對我嚟講需要不大。
但之前屋企人講過話有一部廚師機（其實都講左超過一年），問我要唔要。有免費既，梗係要。最終前兩日屋企人終於返工廠搬左部機返嚟。老公見到部機即刻影相俾我睇，話原來部機係KitchenAid，仲要係Heavy duty。嘩，開心死我。返到屋企即刻開嚟睇吓仲開唔開到至做清潔，好彩仲開得到。咁又可以整多啲唔同既嘢俾老公試喇。yeah．

其實之前一直想買v仔，但只係日本版要用大火牛問題我至一直忍手，終於等到今年10月出香港版，價錢仲要都算合理，點知嚟左部KitchenAid，咁真係無位放喇。所以只好放棄v仔啦（暫時）。