自家製馬蹄糕

其實我未整過馬蹄糕，因為馬蹄糕係家姐強項，所以一直由佢整俾大家食。
但見網上有人激讚李詳和既馬蹄粉，所以老公特登陪我出去買這馬蹄粉，係，無錯，係要特發出去買，因為我依邊街市無，係要打去批發問邊個店舖有攞貨走去買。
今日會出旺角，所以佢俾左花園街街市超記地址及電話我。
要試更係要有比較至試得到。所以買埋最容易買到既泮塘馬蹄粉。

但搵搵吓資料，見有人教鮮蔗汁馬蹄糕 (即用鮮蔗汁取代水)，所以又決定試埋，依家真係越整越多嘢，好彩依排老公忙，都唔多得閒理我。所以我有好多時間試嘢啦。


左上用左泮塘馬蹄粉，下面係用左李祥和馬蹄粉，右上蔗汁馬蹄糕。

唔知係我味蕾有問題定要求不高，我覺得三款出嚟效果及味道都差不多，分別不大。