川貝燉雪梨

老公近期瞓覺時有幾聲咳，有時仲咳到瞓唔到，之前見網上有 JM教燉雪梨，我記得啱干咳飲，所以即刻上網搵資料，唔實都唔難，但對藥材零知識既我，真係唔知點買川貝，所以都係是但走入一間藥材店度買，見有三個價錢，每兩$50, $128 , $188。
唔知三個價錢有乜分別，又怕老公唔鍾意飲，所以先買最平$50/兩嚟試吓，其實都幾多，佢叫我分三次，但我覺得分三次份量會太多，因為太多會苦，所以跟返網上教，只係落一茶匙。

川貝燉雪梨
材料：
雪梨 ............... 一個
冰糖 ............... 冰糖適量
川貝 ............... 約一茶匙

雪梨去皮切片，將所有嘢放入燉盅，燉一個半小時即成。


我個煲唔夠高，用唔到湯盅蓋，所以只好改用焗爐紙代替蓋。