殭屍面膜 + 減肥絲襪 + 雪花秀旅行裝

朋友又再網上訂嘢，所以我又搭單買嘢，其實套殭屍面膜已經買左成個月，只係一直未見面所以一直未攞，其間又再加單，加了減肥絲襪同埋雪花秀旅行裝。

殭屍面膜好似幾好玩，所以買嚟試吓，依個面膜可以check 埋你既皮膚會唔會缺水缺彈性。
如果缺水會起皺，如果缺彈性就會起bubble。

因為干左後會拉緊左，唔想嚇親街坊，所以唔post 我個樣喇。
不過我皮膚都唔算太差，個mask 干後都幾平滑，無乜bubble 及皺，放心哂。

一盒為一個療程，可以做16次。有16個獨立包裝粉，一支藥水及一支掃。

每次開一盒，好方便。

網上店主話做完殭屍面膜最啱做返依隻補濕面膜，所以特登留返幾塊面膜，等做完殭屍再補濕。

而以下依兩樣就特登再訂，用嚟去旅行時著。

減肥厚絲襪 - 話依款有減肥效果，但我諗住夠厚，所以諗住著去韓國做打底保暖。

另外依套雪花秀旅行套裝就俾我媽咪下星期去韓國旅行時用，咁又可以唔洗帶咁多嘢去，如果試左啱用，又可以係韓國順便買埋。