L'Occitane Box set x Le Creuset

之前由FB Group JM 那裡知道有依set 嘢，睇埋價錢已經想收工即將飛出TST SOGO 度買。但同老公講好當晚會煮飯。所以我忍。

依個花盅之前已經好想要，但依個特別版之前要係L'Occitane 買滿HKD3,000 至送。所以我放棄左。

當晚已經好似話賣哂，要訂貨，本來老公都話第二朝幫我出去買，唔洗我收工再走出去訂。好彩第二日下午有JM 訂多了一套，所以即刻要啦。

交收前都聽過其她JM 提過啲花盅好多瑕疵，有人Post 左張相係勁多黑點。所以我都預左個花盅唔會太靚仔，JM 取貨後也同我提過佢都揀左好多隻至揀到好少少，所以有足哂心理準備。

但係......... 實物唔算太差喎，我覺得幾靚仔tim 喎。講真，我係自用，唔崩唔裂，唔太過份既不完美，我係接受到的。

太多人買，所以要轉其它味，依個好似係綠茶味。

位 jm 好好，仲share 埋套贈品俾我，沖涼液 - 旅行用啱哂。