卥水拼盤

噙日下午同老公去完食嘢就去買嘢整我既卥水拼盤喇。

由於我地晏就成三，四點至食完嘢，所以晚上都唔太肚餓，所以最後食左部份卥水料出嚟食已經夠飽，紅腸已經得，但雞蛋未夠入味，花生未夠淋，豆腐可能煲得太耐，起左蜂巢，所以我諗豆腐唔洗點煲，就咁掉入去浸就得。

味道不錯，只怪自己跟包料落得太多水，打滿左個煲要煲耐左嚟收水。

包裝上已經有教埋要落十三碗水，生抽及老抽各半碗及冰糖二兩煲滾就可以落料。

但十三碗水原來已經好滿水，落埋食材好易滾瀉，所以要收返啲水至可以浸。

 卥水料

食材：雞蛋（我最愛），豆腐，花生，雞翼尖，紅腸

依張相係已經收左啲水後既樣。