又一星期

食左幾日中醫，其實都覺得好左。所以今日老公又陪我出去覆診。

今日個診所又係人山人海，好似比上星期仲要人多。

今日問清楚喇，原來依度煲中醫會幫你煲埋返煲，即係一劑有兩包，我依家都心大心細遲啲俾唔佢地煲埋好，因為只係自已用熱水暖返就得，方便好多咁。

跟住又同老公去左食萬豚屋，我食牛仔骨飯，啲牛仔骨好肥，但又韌韌地。同埋我本身唔多肚餓，淨返大半碗係度。（老公食吉列豬扒，但我掛住食，唔記得影相）

跟住老公又陪我行街，佢問想行邊，我答佢海港城，跟住無耐佢問我有乜嘢睇，我又係答佢...... 有LC睇.
因為LC counter 係city super入面，跟住就發現老公最愛既檸檬果醬同埋我想買好耐既鹽菊

最後出去坐車時，順手去睇埋我最愛，米奇聖誕公仔。仲要係紫色架。