結婚五個月禮物 - Staub

近排迷上Le Creuset 同Staub，特別入左個FB既Group後，簡直中埋毒，連平時唔多煮飯既我，都有幾款想煮。

以前一直唔明點解一個煲或者鑊可以賣到咁貴。入左個Group後，開始有啲明白，所以成日心思思想買，一有時間就上網睇，研究邊款較多款式可以整到。

近排Staub做緊買一送一，所以星期日又捉左老公去睇煲，本來都係想睇吓先，因為都係覺得貴，同埋唔知想買邊款。
但經過sales姨姨詳細講解用法及好處，同埋老公不停在旁煽動（可能佢唔想再俾我捉去睇煲喇），所以最後就買左個湯煲同蜂巢鑊喇。

佢地就係我首次戰利品喇。