三朝回門

由於結婚當日行程太趕，無法即日回門，所以就選擇三朝回門。

酒樓送左隻回門豬俾我地，之前約好太約六點鐘左右過嚟拎。上到酒樓即係廚房拎出嚟，啱啱燒好無耐，仲好熱架。放係架車度，香味充斥全車，老公講笑話依架係運豬車。

雖則話依隻係乳豬，唔係大豬，但只有自己一家人既話，真係好難食得哂，所以今日下午媽咪即叫其它親友上嚟，我又搵埋姊妹上嚟一齊食，順便又可以睇埋繽紛樂及我地自己拍既相同片。

俾細佬偷食左少少乳豬皮，佢話要試吓脆唔脆喎。

返到屋企即刻叫媽咪幫我切左啲豬手、豬腳同豬頭出嚟，因為99話依啲要回俾男家，本來有諗過食完至回，但又怕太夜佢地會瞓左，所以切完即刻過男家放低後就返媽咪度，返到去，啲親友都已經到齊，同埋開始食緊。
咁我同老公都加入一齊食，同埋開始睇片同睇相，當晚氣氛都好high，仲不停講返當晚既笑料，大家都好開心呢。